மெடிசன் டுடே
தமிழில் முழுமையான முதல் மருத்துவ
அறிவியல் நூல்.
மார்ச்
2017 இதழ்.
மார்ச் 14 முதல் 15 ஏப்ரல் 2017
வரை.
இயக்கம்.
தலைமை ஆசிரியர்
Dr.C.கணேசன் எம்.டி
பேராசிரியர் மருத்துவம்.
இணை ஆசிரியர்
Dr.R.கபிலன் எம்.டி.
மயக்கவியல் நிபுணர்
உதவி ஆசிரியர்.
Dr..G.அபிநயா எம்.பி. பி.எஸ்
தொழில்நுட்ப இயக்குணர்
Er.G.அகல்யா B.E
Associate Software Engineer Accenture.
தகவல் தொடர்பு
உதவி ஆசிரியர்
113 நாடிமுத்து நகர்
பட்டுக்கோட்டை தபா.
தஞ்சாவூர் மாவ
தமிழ்நாடு -
த கு 614 602
email:kpceegan@gmail.com.
visit us @ medicinetodaytamil@blogspot.com
cell: +91 7667081110.
99652 744440.
வணக்கம்
தவிர்க்க இயலாத காரணங்களால் மார்ச் 2017 மற்றும்
ஏப்ரல் 2017 இதழ்களை வெளியிடுவது
காலதாமதமாகி
இப்போது வெளியிடப்படுகிறது.
அறிவியலை படிப்பதற்கும் அறிவதற்கும் காலமும்
நேரமும் ஓரு தடையாக
இருந்திடப்போவதில்லை
தானே ?
ஆனாலும் இனி வரும்மாதங்களில் இதழ்கள்
உரியகாலத்தில் வெளியிடப்படும்.
மெடிசன் டுடே இதழில் எழுதிட விரும்பும் மருத்துவர்கள்
மருத்துவ நிபுணர்கள் தங்களது
கட்டுரைகளை
எமக்கு அனுப்பிடலாம்.
கட்டுரைகள் மருத்துவ மாணவர்கள் மருத்துவ
அறிவினைத்தேடிடும் பொதுமக்கள்
மருத்துவர்கள்
என்று மூன்று திசைகளிலும் பயன் தரும் வகையில்
இருந்திடுதல் நன்று.
கட்டுரைகளுக்கு அடிப்படையாக கொள்ளப்படும்
மூல க்கட்டுரைகள் மூல நூல்கள் தற்போது
மருத்துவ
உலகினரால் ஏற்றுக்கொள்ளப்பட்டவைகளாக
இருந்திடுதல் வேண்டும்.
அதற்கான மூல ஆதாரங்களை கட்டுரையின்
இறுதியில் குறிப்பிடப்படவேண்டும்.
கட்டுரைகள் வகுப்பெடுத்திடும் ஒரு ஆசிரியரின்
பார்வையோடு இருந்திடுதல் மிகவும்
எதிர்பாக்கப்படுகிறது.
கட்டுரைகளின் உள்ளடக்கம் முழுமையான மருத்துவ
அறிவியலை முன்னிலைப்படுத்துவதாகவே
இருந்திடல்
வேண்டும்.
ஆங்கில மருத்துவத்துறையின் அனைத்துப்பிரிவிலும்
இருந்து கட்டுரைகள்
எழுதிடப்படலாம்.
இதன் தொடர்பான அறிவிப்புகள் கீழே.
சிந்திக்கும் மொழியல் கல்வி பயிலுவோம்.
நமக்கு அறிவினைத்தந்த தமிழ் மொழிக்கு
அறிவியலைத் தந்திடுவோம்
மீண்டும் அடுத்த இதழில் சந்திப்போம்
அன்புடன்
மரு.சி.கணேசன்.
தலைமை ஆசிரியர்
உள்ளே
01. கொரனரி சிரை தமனி குழாய் இணைவு
(Coranary Arteriovenous Anastomosis).
02.கொரனரி குழாய் நோய்கள் – அறிமுகம்.
03. இதயம் புதுவளர் நோய்கள்
(Coronary Neoplasm)
04. பேஸ் மேக்கர்
(Pace Maker).
(Pace Maker).
05.இதய உறை அழற்சி
(Pericarditis).
(Pericarditis).
6. ஹார்ட் அட்டாக்கின் விளைவுகள்
ஹார்ட் பெயிலியர் (Heart Failure)
01. கொரனரி சிரை தமனி
குழாய் இணைவு
(Coranary Arteriovenous Anastomosis).
கொரனரி தமனி
(Coronary Artery)குழாய்க்கும் கொரனரி சிரை (Coronary Veins)
அல்லது
இதயத்தின் ஏதாவது ஒரு அறைக்கும் (Carelial Chamber) ஏற்படும் இணைவானது மிகவும்
அறிதான ஒரு கருவளர் நோயாகும்.
இவ்வகை நோய் நிகழ்வில் 55 சதவீதம் வலது கொரனரி தமனியிலோ (Coronary Artery)அல்லது அதன் கிளைத் தமனிகளிலோ (Arterioles) ஏற்படுகிறது.
இடது கொரனரி தமனியில் நோய் நிகழ்வு 35 சதவிகிதம் ஏற்படுகிறது. இவ்வகை இணைவு கருவளர்நிலையின்போது (Embryonic Stages) ஏற்பட்ட தொடக்க நிலை இதய அமைவுகளின்வளர்ச்சிஅடுத்த நிலையை எட்டாமல் முதல் நிலையிலேயே இருந்திடுவதால் இது நிகழ்வதாகக் கண்டறியப்பட்டுள்ளது.
இவ்வகை இணைவுகள் பெரும்பாலும் வலது பெருவறையை(Right Ventricle) அடைகின்றன. அல்லது வலது சிற்றறையையோ (Right Atrium) அல்லது கொரனரி பெருஞ்சிரையையோ (Coronary Sinus) அடைகிறது.
சில
வேளைகளில் சுவாச தமனிகளிலோ இடது சிற்றறையிலோ (Pulmonary Artery) அல்லது இடது
பெருவறைகளிலோ(Left Atrium) இந்த இணைவுக் குழாய்கள் வந்தடைந்தாலும் இது மிகவும்
அறிதான ஒன்றாகும்.
கொரனரி
சிரையையும் கொரனரி தமனியையும் இணைத்திடும் இணைவுக் குழாயின் உள்வழி (Lumen) சிறிதாக
இருந்திடுவதால் இதன் வழியே நடைபெறும் மாற்றோட்டம் (Stunt) மிகவும் குறைவாக
இருந்திடும்.
அதாவது
கொரணரி தமனியில்(Coronary Artery)இருந்து அதிகஅளவுஇரத்தம்கொரணரி சிரையினை
(Coronary Veins)நோக்கி வெளியேறுவதில்லை. ஆகையினால் இதயதசைகளுக்கு கிடைத்திடும்
இரத்த ஓட்டத்தில் எவ்வித குறைபாடும் ஏற்படுவதில்லை.
தொடர் விளைவுகள் (Complications).
இவற்றில்
கீழ்க்கண்ட தொடர் விளைவுகள் ஏற்படலாம்.
1.இட, வலது மாற்றோட்டம் (Shunt) அதிகமாக இருந்திட்டால் சுவாச உயர்வழுத்தம் (Pulmonary Hypertension)ஏற்படும்.
2. அத்துடன், இதய செயற்குறைவு (Heart Failures)ஏற்படும்.
3. பாக்டீரியாவினால்இதய உள்ளுறை அழற்சி (Endocarditis)ஏற்படும்.
4. இணைவுக்குழாயில் வெடிப்பு (Rupture)ஏற்படலாம்.
5. இணைவுக்குழாயில் இரத்த உறைவு(Blood Clot) ஏற்படலாம்.
6. இணைவுக்குழாயில் தேய்விரிவு(Aneurysm) ஏற்படலாம்.
7. இணைவுக்குழாயின் கடைசிப்பகுதியில் (Terminal Part)இதயதசைகளுக்கு இரத்த ஓட்டம் குறைந்திடுவதால் இதய தசை சிதைவு ஏற்படலம்.
நோய்க் குறிகள்(Symptoms)
இவற்றில் கீழ்க்கண்ட நோய்க் குறிகள் இருந்திடும்.
1. இந்நோய் ஏற்பட்ட பெருமாலான குழந்தைகள் எவ்வித நோய்க் குறிகளும் இல்லாது இருந்திடுவார்கள்.
2. இவர்கள் பெருமாபாலோர் (Majority)அவர்களது நடுநெஞ்சில்(Middle Of The Chest) தொடர்ந்து கேட்டிடும் ஓசைக்காக (Sound)மருத்துவ ஆலோசனைக்கு வந்திடுவார்கள்.
3. இவர்களைப் பரிசோதிக்கும்பொழுது அவர்கள் குறிப்பிடும் அவ்வோசை இதயத்தில் இணைவு ஏற்பட்ட பகுதிக்கு நேர்மேலாக (மார்பின் மேல்) கேட்பது கண்டறியப்படும்.
4. இவ்வகை மென்னொலியானது(Murmur)இதயத்தின் எல்லாப் பகுதியிலும் கேட்டிடலாம்.
5. சில வேளைகளில் இவ்வகை இணைவு சுவாச தமனியிலோ (Pulmonary Artery)அல்லது வலது பெருவறையிலோ (Right Ventricle)இணைந்திட்டால் இந்த தொடரும் மென்னொலி இடது பக்க மார்பில்(Left Side Chest) சுவாச தமனி வால்வின் இருப்பிடத்தைக் குறித்திடும் பல்மொனரிஏரியா(Pulmonary Area) எனப்படும் பகுதியில்கேட்டிடும்
6. இதே இடத்தில் இதே போனற மென்னொலி டக்டஸ் குழாய் தொடர்நிலையிலும்(Patent Ductus Arterosus) ஏற்படும்என்பது குறிப்பிடத்தக்கது. இதை சரியாக ஆராய்ந்தால் மட்டுமே இரண்டு நிலைகளுக்குமுள்ள வேறுபாட்டைக் கண்டறிய இயலும்.
7. குழாய் இணைவில் கேட்கப்படும் தொடர் மென்னொலி(Continuous Murmur) இதய சுருக்கத்தின்பொழுது(Lesser Intensity) குறைந்த ஓசையுடனும் இதயம் விரிவடையும் (A-Dilatation)பொழுது பெரும்ஓசையுடனும் (More Intensity)கேட்கப்படும்.
(இவ்வகை ஏற்றத்தாழ்வுகள்(Changes) இதயம் சுருக்கமடையும்பொழுது இணைவுக்குழாயும் சுருக்கப்படுவதால் (Constrictedi)அவற்றின் உள்ளே இரத்த ஓட்டம் குறைகிறது. இதனால் மென்னொலியில் மாற்றம் ஏற்படுகிறது. இவ்வகை மாற்றம் டக்டஸ் குழாய் தொடர் நிலையில் ஏற்படுவவதில்லை என்பது இவ்விரண்டு நோய்களுக்கும் உள்ளவேறுபாடாகும்.
பரிசோதனைகள்:
1.இதயமின்வரைவியிலும்(Electrocardiography) நுண்கதிர் சோதனையிலும்
(X-Rays
)எவ்வித மாற்றமும் ஏற்படுவதில்லை.
2 இருநிலை எதிரலை (2-D Echo) சோதனையில் கொரனரி குழாய்கள் (Coronary Artery) பெருக்கமடைந்திருப்பது(Dilated) கண்டறியப்படும்.
3. டாப்ளர் (Doppler)சோதனையில் இணைவுக் குழாயின் (Anastamotic Vessel)வழியே நடைபெறும் இரத்த ஓட்டத்தின் திசையையும்(Direction Of Flow) அளவையும் ()துல்லியமாக கண்டறியலாம். இச்சோதனையில் இதயத்தின் சுருக்கத்தின்பொழுதும்(Amount Of Flow)விரிவின்பொழுதும்() இரத்த ஓட்டம் தொடர்ந்து (Continuous Blood Flow)நடைபெறுவது கண்டறியப்படும்.
4. பின்வழி மார்பு மகாதமனி வரைவியில் (Retro Grade Pulmonary Arteriography)இணைவுக் குழாயின் இடமும் அளவும் கண்டறியப்படும்.
5. பலூன் குழாய் வரைவியிலும் இணைவுக் குழாயின் இடமும் அளவும் கண்டறியப்படும்.
6. கொரனரி குழாய் வரைவியிலும்(Coronary Angiography) இணைவுக்குழாய் அமைவும் அளவும் உறுதி படுத்தப்படும்.
சிகிச்சை முறைகள்:-
1. கேத்திட்டர் (Catheter)குழாயை உள்செலுத்தி இணைவுக் குழாயில் நிறுத்தி குழாயின் உள்வழி வேற்றுப் பொருட்களைக் (Foreign Material)கொண்டும் அடைக்கப்படுகிறது.
2. குழாய் உள்வழி (Lumen)கேத்திட்டர் முறையில் (Catheter) தையலிட்டு(Suturing) அடைக்கப்படுகிறது.
அறுவை சிகிச்சை பரிந்துரை:-
1. இணைவுக் குழாயின் அளவு(Size) பெரிதாகவோ அல்லது அவற்றின் வழியே நடைபெறும் மாற்றோட்டம்(Shunts Anastamotic Vessel) அதிகம் இருந்திட்டாலோ அறுவை சிகிச்சை உறுதியாக பரிந்துரைக்கப்படுகிறது.
2. அத்துடன்நோயாளிகள் இதய செயற்குறைவுநிலையை
(Heart
Failure) எட்டி இருந்தாலும் அறுவை சிகிச்சை பரிந்துரைக்கப்படுகிறது.
3. நோயாளிகள் எவ்வித நோய்க் குறிகளும் (Symptoms)வெளிப்படுத்திடாமல் இருந்திட்டாலும் வரும் காலங்களில் நிகழப்போகும் உயர் ஆபத்துகளை(Mortality) தவிர்த்திட அறுவை சிகிச்சை பரிந்துரைக்கப்பட வேண்டும்.
நோய் முன்கணிப்பு:-
இந்நோயை
வெற்றிகரமான அறுவை சிகிச்சைக்குப் பிறகு (Operation)நோயாளிகள் முழுமையாக
குணமடைவார்கள்(Complete Recovery) என்பது உறுதி.
மரு
.சி.கணேசன் எம்.டி. பேராசிரியர் மருத்துவம்
02.கொரனரி குழாய் நோய்கள் – அறிமுகம்.
Coronary Heart Diseases-Introduction.
இதயம்(Heart)
தசைகளால்(Muscles) ஆன ஒரு அமைப்பு இவற்றில் வால்வுகளும்(Valves) இரத்தக்
குழாய்களிலும்(Blood Vessels) நரம்புகளும் (Nerves)உள்ளன. சுருங்கி விரியும்
இதய தசைகளுக்கு இரத்த ஓட்டம் தேவைப்படும். இவற்றை வழங்குவது கொரனரி குழாய்கள்(Coronary Artery)
எனப்படும் இதய இரத்தக்குழாய்களாகும். இந்தஇதய குழாய்களில் ஏற்படும் வியாதிகள்
(Diseases)இதய தசைகளுக்கு வழங்கப்படும் இரத்த ஓட்டத்தை(Blood Circulation)
குறைத்திட நேரிடும். இரத்த குறைவின் அளவையும்(Quantity) இரத்தக் குறைவு ஏற்படும்
வேகத்தையும்பொருத்து அவை பல்வேறு இதய நோய்களை(Heart Diseases) உண்டாக்கிடும்.
கீழ்கண்டவைகள் கொரனரி குழாய் நோய்கள்(Coronary Artery Diseases)
அல்லது கொரனரி நிகழ்வு(Coronary Events) என்ற அழைக்கப்படுகிறது.
1. இதய வலி (Angina)
இதய தசை சுருங்க போதுமான இரத்தம் வழங்கப்படாமல் சற்று குறைவு
ஏற்படும் போது வலி ஏற்படுகிறது. அதே சமயம் இரத்த ஓட்டம் சீர்படும் போது இதய
தசைகளில் ஏற்பட்ட மாற்றம் முற்றிலும் மறைந்து போகிறது.
2. இதய தசை சிதைவு:- (Myocardial Infarction)
அதிகமான அளவிற்கு இரத்த ஓட்டம்(Blood Circulation) (இதய தசைகளுக்கு)
கிடைக்காமல் போவதால் தசைகள் சிதைவுற்று போகும். இது தான் ஹார்ட் அட்டாக் (Heart
Attack)என்று அழைக்கப்படுகிறது.
3. இதயம் சீராக சுருங்கி விரிந்து உடலுக்கு தேவையான இரத்த ஓட்டத்தை
வழங்கிடும். சுருங்கி விரிதல் சீராக நடைப்பெற்றால் தான் இரத்த ஓட்டம் தேவையான அளவு
வழங்கப்படும்.
இதயத்தை துடிக்க வைக்கும் திசுக்களுக்கு(Excitatory Tissues)
போதுமான இரத்த ஓட்டம் கிடைக்காமல் போவதும் ஒரு கொரனரி குழாய் நோய் நிகழ்வாகும்.
4. இதய செயலிழப்பு:- (Heart Failure)
உடலுக்குத் தேவையான (Demand)இரத்த ஓட்டத்தை தேவையான அளவு (Adequate
Amount)வழங்கிடுதல் இதயத்தின்வேலையாகும். இதயத்தின் நோய் நிலையின் காரணமாக (Heart
Diseases)உடலின் தேவைக்கேற்ப இரத்தம் வழங்கப்படாமல் போனால்(Not Supplied) அது இதய செயலிழப்பு
என்று அழைக்கப்படும்.
5. அதிவேக மரணம்:- (Sudden Death)
கொரனரி குழாய் நோயின் (Coronary Artery Diseases)விளைவாக ஏற்படும்
இதய நோயின் ஒரு விளைவு திடீர் மரணமாகும். இவ்வகை நிகழ்வு இதய தசை சிதைவின் ஒரு
வெளிப்பாடாக(Manifestation) இருந்திடுகிறது. இவ்வகை நோய் நிகழ்வு கனிசமான அளவில்
ஏற்படுகிறது.
நோய் வெளிப்பட்ட ஒரு மணிநேரத்திற்குள் (One Hour)ஏற்படும் மரணம் சடன்
டெத் (Sudden Death)எனப்படும் திடீர் மரணமாகும்.
என்ன நடக்கிறது என்பதை நோயாளி அருகில் இருப்பவர்களுக்கு விளங்கிட
வைப்பதற்குள்ளும் என்ன நிகழ்கிறது என்ன செய்திட வேண்டும் என்று அருகில் இருப்வர்களும்
தீர்மானிப்பதற்குள் இந்த மரணங்கள் நிகழ்ந்து போகக்கூடும்.
நல்ல நிலையில் உறங்கிடப்போகும் ஒருவர் படுக்கையிலேயே விழித்திடாமல்
மரணத்தினைள (Bed Death)அடைவது இந்த வகைப்பட்டதுதான்.
மரு .சி.கணேசன் எம்.டி. பேராசிரியர் மருத்துவம்
03. இதயம் புதுவளர் நோய்கள்
Coronary Neoplasm
மனித உறுப்புகளை(Organs) பாதித்திடும் பல்வேறு நோய்களைப் போலவே
புற்றுநோய்(Cancers) எனப்படும் புதுவளர் நோய்களும் ஒரு தனிவகை நோய்களாகும்.சிலவகை
நோய்கள் சில உறுப்புகளில் மட்டும் ஏற்படும் என்பதும், சிலவகை நோய்கள் சில உறுப்புகளில்
ஏற்படுவது இல்லை என்பதும் நாம் அறிந்திருக்கக்கூடும். ஆனால் புதுவளர் நோய்கள்
எல்லா உறுப்புகளிலும் ஏற்படக்கூடும் என்பது குறிப்பிடத்தக்கது.அந்தந்த
உறுப்புகளில் ஏற்படும் புதுவளர் நோய்களின் வகைகள்(Types Of Neoplasia) மாறுபடலாம்.
ஏற்படும் காலங்கள்(Time) மாறுபடலாம்.அதன் விளைவுகள்(Effects) மாறுபடலாம். ஆனாலும்
எந்த ஒர் உறுப்பும் எந்த ஒரு செல்களும் புற்றுநோய் ஏற்படும் வாய்ப்புடன்(Chances Of
Neoplasm) தான் வாழ்ந்து வருகிறது என்பதும் குறிப்பிடத்தக்கது.
அதுபோலவே இதயத்தில் அமைந்துள்ள திசுக்களின் செல்களிலும் (Tissues And
Cells)புற்றுநோய்கள் ஏற்பட நேரிடும். வேறு உறுப்புகளில் ஏற்பட்டு வளர்ந்து பெருகி
இதயத்தின் திசுக்களை வந்தடையும் புதுவளர் நோய்கள் செகன்டரீஸ் கட்டிகள்(Secondary Tumors) என்று
அழைக்கப்படும். தொடக்கத்திலேயே இதய திசுக்களில் ஏற்படும் புதுவளர் நோய்கள் முதன்மை
கட்டிகள்(Primary Tumors) என்று அழைக்கப்படும்.
இதயத்தைப் பொறுத்து முதன்மை கட்டிகளின் நிகழ்வு பல்வேறு ஆய்வுகளின்
முடிவுகளிலிருந்து பெறப்படுகிறது.அவற்றின் முடிவுகள் வெவ்வேறுவகையான முடிவுகளை
அறிவுறுத்தியிருக்கிறது.பொதுவில் முதன்மை கட்டிகள்ஏற்படும்நிகழ்வுநிகழ்வு 0.0017
முதல் 0.28 சதவீதம் என்ற அளவில் என்று கணக்கிடப்பட்டுள்ளது. இந்நோய்களை
நோயாளிகளின்வாழும் காலங்களில் கண்டறிந்திடும் வாய்ப்பு மிகவும் குறைவு என்பதோடு
சில வகை கட்டிகள் பல்வேறு நோய்க் குறிகளை(Symptoms) ஏற்படுத்துவதும், அந்நோய்
குறிகள்
இதயத்தின் வேறுபல நோய்களை ஒத்திருப்பதாலும்,( Similarity) கட்டிகளை
மருத்துவ ரீதியாகக்
கண்டறிவதில் பெரும் குழப்பம் நிகழ்ந்திடும்.
பலவருடங்களுக்கு முன்பு இதய நோய் சிகிச்சை துறை இத்தனை வளர்ச்சி
பெறாத காலத்தில் இதய கட்டிகளைக் கண்டறிந்து அவற்றிற்கான சிகிச்சையினை செய்திடுதல்
இயலாதவைகளாகவே இருந்தது.
அப்போது இதய கட்டிகளை கண்டறிந்திடுவது மருத்துவ புள்ளியியல்
கணக்குகளுக்கு மட்டுமே பயன்பட்டது.தற்பொழுது வேகமாக வளர்ந்து வரும் இதய நோய்
சிகிச்சை முன்னேற்றங்களின் விளைவாக இதய கட்டிகளுக்கு மிகச்சிறந்த ஆய்வுகளும்
சிகிச்சைகளும் வழங்கப்படுகின்றன.
இதன்பொருட்டு, இதய கட்டிகள் கவனத்துடன் கண்டறியப்படுதல் வேண்டும்.
இவ்வகையில் இதய எதிரலைவரைவி (Echo Cardiography)கம்ப்யூட்டர் டோமோகிராபி
(Tomography)மற்றும் மேக்னட்டிக் ரெசனன்ஸ்(Magnetic Resonancs) சோதனைகள்
போன்றவைகள் இதய நோய் கட்டியை கண்டறிந்திடுவதில்மருத்துவர்களுக்கு பெரும் உதவியாக
இருந்திடுகிறது.
மேற்குறிப்பிட்ட சோதனை முறைகளைக்கொண்டு முன் அறிதல்(Screening)
சோதனைகளை பொது மக்களிடையே செய்து கட்டிகளை கண்டறிந்திடலாம்.
இருப்பினும் இதய நோய்களுக்கு சிகிச்சை செய்திடும் மருத்துவர்களிடையே
இதய கட்டிகள் பற்றிய ஆய்வுணர்வு (Introcepton)அதிகம் இருந்திடுதல் அவசியம் என்று
சொல்லத் தேவையில்லை.
நோய்வெளிப்பாடுகள்:
எல்லா நோய்களையும் போலவே புதுவளர் நோய்களுக்கும் நோய்க் குறிகள்
(Symptoms)ஏற்படலாம். இந்நோய்க் குறிகள் நோய் ஏற்ப்பட்ட உறுப்பினுள் ஏற்ப்படும்
பாதிப்புகளை குறித்திடலாம் அல்லது பொதுவான நோயக் (General Symptoms)குறிகளை
ஏற்ப்படுத்திடலாம்.அதுபோலவே இதய கட்டிகளிலும் கீழ்க்கண்ட நோய்க்குறிகள் ஏற்படலாம்.
1.சுரம்(Fever)
2.எடைகுறைதல்(Loss Of Weight )
3.சோர்வு(Tirdness)
4.மூட்டுவலி(Joint Pain)
5.தோல் தடிப்புகள்(Skin Rashes)
6.விரல் நுனி வீக்கம்(Clubbing)
7.ரொனால்டு நிகழ்மை(Raynaulds Phenomenon) எனப்படும் விரல் நுனி
இரத்தக் குழாய்களில் ஏற்படும் தொடர் சுருக்கமும் அதனால் ஏற்படும் வலி
உணர்வும்(Pain)
8.மனச் செயல்பாடுகளில் மாறுபாடுகள்(Abberent Mentation)
9.சுவாசத் தமனிகளில் அடைப்புகள்(Pulmonary Arterial Embolism)
10.பொது இரத்த ஓட்ட மண்டலத்தில் அடைப்புகள்(Systemic Embolism)
11.இரத்தத்தில் காமா குளோபுலின் என்னும் புரதம் மிகுதி(Gamma
Globulins)
12.எரித்ரோசைட்ஸ் செடிமென்டேசன் ரேட் அளவு மிகுதி(Erythrocyts
sedimentationrate)
13.பிளாட்டிலட் செல்கள் மிகுதி (Thrombocytosis)அல்லது பிளாட்டிலெட்
செல் குறைவு (Thrombocytopenia)
14.சிவப்பு செல் மிகுதி(Erythrocytosis)
15.வெண்செல்கள் மிகுதி(Leukocytosis)
16.இரத்தம் குறைவு(Anemia) போன்றவைகள் ஏற்படும்.
இவை எல்லாவற்றிற்கும் மேலாக மேற்குறிப்பிட்ட
அiனத்துநோய்குறிகளும்அறுவை சிகிச்சை செய்து கட்டிகளை அகற்றிய பிறகு முற்றிலும்
மறைந்து போய்விடும் என்பது குறிப்பிடத்தக்கது.
மரு .சி.கணேசன் எம்.டி. பேராசிரியர் மருத்துவம்
04. பேஸ்
மேக்கர் Pace Maker.
பொதுவாகபல தொடர் நிகழ்வுகளை உள்ளடக்கிய ஒரு செயலைத் துவங்கும் ஒரு
அமைப்பிற்கு (Pacemaker)அறிவியல்பார்வையில்பேஸ்மேக்கர் என்று பெயர்.
இந்நடவடிக்கைக்கு பேஸ் மேக்கர் செயல்பாடு (Pacemaker Activities)என்று பெயர். பேஸ்
மேக்கர் அமைப்பு மின் தூண்டலை உற்பத்தி செய்யக் கூடியதாக இருக்கும்.
இதயம் சுருங்கி விரிதலை(Contraction And Dilatations) துவங்கிடும்
அமைப்பு (Structure)ஒன்று உள்ளது. இது இதயத்தின் சுருங்கி விரிதலை நடத்தி
முடிந்தப்பிறகு மீண்டும் அதே நிகழ்வை முதல்இயக்கத்திலிருந்துதூண்டித்
துவங்குகிறது. இதயத்தின் எல்லா தசைகளும்(Muscles) பல்வேறு நரம்பு
முடிச்சுகளும்(Nodes) மின் தூண்டலைக் கடத்தும்(Conduction) நரம்பு கிளைகளும்(Nerve Branches)
இவ்வகை மின் தூண்டலை உற்பத்தி செய்திடும் திறனைக் கொண்டிருக்கிறது . இவ்வகையில் ஒவ்வொரு
அமைப்பும் தனது மின் தூண்டலை வெளிப்படுத்துவதற்கு குறிப்பிட்ட ஒருவேகம்(Speed)
உண்டு அவற்றில் சில ஒரு நிமிடத்திற்கு அதிகமான தூண்டுதல்களையும்(More Stimulations) சில
நிமிடத்திற்கு குறைவான தூண்டுதல்களையும்(Slow Stimulations) வழங்கிடும்.
மிக அதிகமான தூண்டல் வேகம் உள்ள அமைப்பு இதயத்தை தனது
கட்டுப்பாட்டிற்குள் (Control)வைத்திருக்கும். இந்த அமைப்பு செயல்படாத நிலையில்
அல்லது அதன் வேகம் ஒரு நிமிடத்தின் தூண்டுதல் குறையும் (Rate Of
Stimulations)நிலையில்; அதற்கடுத்த அதிக வேகமுள்ள அமைப்பு தூண்டுதல் பொருப்பை
ஏற்கும்.
பேஸ்
மேக்கர்(Pacemaker) அமைப்பிலுள்ள செல்களின் (Cells) சுவருக்குள்
வெளிப்பக்கம்(Outside) மற்றும் உள்பக்கம்(Inside) உள்ள அயனிகளில் நிலையை பொருத்தே
அச்செல்களில் செயல்பாடுகள் அமையும். ஓய்வு
நிலையில் செல்களுக்கு வெளிப்பக்கம் நேர்மின் அயனிகளும் (Positive Ions)செல்களுக்கு
உள் பக்கம் (Inside)எதிர்மின்
அயனிகளும்(Negative Ions) இருந்திடும். பொட்டாசியத்தின்(Potassium)
இடமாற்றத்தின்(Exchange) மூலம் செல் சுவர்களுக்கு இடையே உள்ள அயனிகள்
சமன்பாடு(Ionic Balances) பெருமளவு மாற்றத்தை அடைகின்றன. இம்மாற்றத்தின் ஒரு
எல்லையில் அயனிகள் மறு மாற்றம் (Re Exchanges Ions)அடைகின்றன. இதை தொடர்ந்து
செல்கள் செயல்படத் தொடங்கி மின் தூண்டலை வழங்கிட பேஸ் மேக்கர் செயலைத் துவங்கும்;.
இதயத்தை பொருத்தவரை வலது சிற்றறையில் அமையப்பெற்ற சைனஸ்
நோடு(Sinusnode) சிற்றறை (Atrium)பெருவறை (Ventricle)சந்திப்பில்
அமைந்துள்ள(Junction) ஏ.வி. நோடு(A-V Node) பெருவறை இடைச்சுவரில் (Septum)அமைந்து
மின் தூண்டலை கடத்திடும். ஹிஸ் பண்டல் (His bundle)மற்றும் ஹிஸ்பண்டல்
கிளைகள்(His Bundle Branches) மற்றும் பர்கிஞ்சி செல்கள்(Purkinjee) எனப்படும்.
நுண்; இழைவகை நரம்புகளும்(Fine Febres) இவ்வகை மின் தூண்டலை வழங்கிடும் ஆற்றல்
கொண்டவையாகும். இவ்வகை செல்கள் தானே இயங்கி மின் தூண்டலை வழங்கி
கொண்டிருந்தாலும் சைனஸ் நோயில் இருந்து பெறப்படும் தூண்டல்கள் அதிவேகமாக
இருந்திடுவதால் இவை மற்ற பேஸ் மேக்கர் தூண்டல்களை பின்னுக்குத் தள்ளிவிடுகிறது. இதயம் சீராக ஒரே அளவினதாக துடித்திடும் போது எவ்வகை நோய்குறிகளும்
வெளிப்படுவதில்லை. இருப்பினும் சில வேளைகளில் பேஸ் மேக்கர் (Pacemaker)அமைப்பில்
ஏற்படும் நோய் நிலைகள்(Disease State) இதய துடிப்பை வெகுவாக பாதித்திடும். ஏற்கனவே இதயத்தை கட்டுப்பாட்டில் வைத்திருக்கும் பேஸ் மேக்கரில்
வேகக்குறைவு ஏற்பட்டால் அதன் அடுத்த நிலையில் உள்ள வேகமான பேஸ்
மேக்கர் பணியினை ஏற்று இதயத்தின் மின் இயக்கம் (Electrical Activities)மற்றும்
இயந்திர இயக்கங்களை (Mechanical Activitis)நடத்திடுகிறது.
மரு .சி.கணேசன் எம்.டி. பேராசிரியர் மருத்துவம்
05.இதய உறை அழற்சி.Pericarditis.
இதயத்தை
சுற்றி இரண்டு உறைகள் (Layers) அமையப்பெற்றுள்ளது. இவ்விரண்டு உறைகளுக்கிடையே
(Space) ஒருவெற்றிடம் உள்ளது. இவ்வுறைகள் சுருங்கி (Contraction)விரிவதை பொருத்து
உறைகளின் உள்ளே உள்ள வெற்றிடத்தில் (Dilatation)ஏற்படும் அழுத்த
மாறுபாடுகள்(Space) இதயத்தின்சுருங்கி விரிதலை முடிவுசெய்கிறது. அத்துடன் உறைகளின்
உள்ளே சுரக்கும் திரவம் (Pressure Changes) சுருங்கி விரியும் இதயத்திற்கு இசைவு
மசையாகவும் (Fluid) பயன்படுகிறது.
இவ்வுறையில் சில வேளைகளில் அழற்சி (Lubricants) ஏற்படலாம்.
இதுஇதய உறைஅழற்சி (Pericarditis) என்று அழைக்கப்படும். இவை அதிவேகமாகவோ(Rapid)
அல்லது மெதுவாகவோ (Slow) ஏற்படலாம். கிருமிதாக்கம் (Infections) காயங்கள் (Trauma)
கட்டிகள் (Tumors) மற்றும் நோய் எதிர்ப்பு குறைபாடுகள்(Defect Or Immunity)
போன்றவைகள் இவ்வகை அழற்சிக்கு காரணமாக இருந்திடலாம்.
பல
வேளைகளில் இதய உறை அழற்சியும் (Pericarditis) இதய தசை அழற்சியும் (Myocarditis)
ஒரு சேர இருந்திடும் என்பதோடு எல்லா வகை இதய உறை அழற்சியும் இதய சூழ்நீரை
(Pericardial Effusion) உண்டாக்கிடும் என்பது குறிப்பிடத்தக்கது.
அழற்சி
ஏற்படும் (Inplammation) காரணத்தை (Cause) சார்ந்து சூழ்நீரின் தன்மை சலமுடனோ
(Pus) இரத்தமுடனோ (Blood) இழைகள் (Fibres) மிகுதியுடனோ அல்லது மென் திரவமாகவோ
(Serous) இருந்திடலாம்.
இழைகள்
(Febres) மிகுந்த திரவமானது இரண்டு உறைகளுக்கிடையே ஒட்டுதலை (AdherenceLarge Quantity) ஏற்படுத்திட நேரிடலாம்.மென்
திரவமானது அளவில் அதிகமாகவும் (Yellow Colour) வெளிர் மஞ்சள் நிறமாகவும் (Yellow
Colour) அதில்மிக அதிகமான புரோட்டீன்(Protein) ஏற்படும்நேரிடலாம்.
இரத்த
சூழ்நீரானது (Hemopericardium)பெரும்பாலும் புற்று நோய்களின் (Maligenency)
குறிப்பாக மார்பகப் புற்று நோய் (Breast Cancers) மூச்சுக்குழல்
புற்றுநோய்(Laryngeal Cancers) மற்றும் நினநீர் புற்றுநோய் (Lymphatic
Malignancy)போன்றவைகளால் ஏற்படும்.
1. சலம் மிகுந்த திரவங்கள் அரிது
என்றாலும் செப்டிசீமியா (Septicemia) மார்பில் ஏற்படும் சலக்கட்டிகளில் (Abscess)
இருந்தோ அல்லது மார்பில் உட்புகும் காயங்களினாலோ (Penetrating Chest Injuries) இவை
ஏற்படலாம்.
நோய்
காரணங்கள்:- (Causes)
1. காச நோய் (Tuberculosis)
2. இதய தசை சிதைவு (Myocardial Infarction)
3. வைரஸ் (Virus)
4. யூரியா மிகுந்த நிலை (Uremica)
5. புற்று நோய் (Malignancy)
6. காயங்கள் (Trauma)
7. இணைவு திசுக்கள் நோய் (Connective Tissue Diseases)
8. பாக்டீரியா தாக்கம் (Bacterial Infections)
9. ருமாட்டிக் சுரம்(Rheumatic Fever)
நோய்
குறிகள்:-
1.
இந்நோயில் ஏற்படும் வலியானது நடுநெஞ்சில்
(Middle Of The Chest) மார்பு எலும்பின் பின்பகுதி (Retro Sternum) வரை தோள்
மூட்டுகளுக்கும் (Shoulder Joints)
கழுத்திற்கும் (Neck) பரவலாம்.உடல் அசைவு (Body Movements) மூச்சு விடுதல்
(Breathing) உடல் உழைப்பு (Exertion) சில வேலைகளில் விழுங்குதல் (Dysphagia) கூட
வலியினை அதிகப்படுத்தலாம்.
2.
இவற்றுடன் லேசான சுரமும் (Mild Fever)
இருந்திடலாம்.
3.
அழற்சியுற்ற இதய உறை (Inflammed
Pericardium) இயக்கத்தின் பொழுது உரசிக்கொள்ளுதலால் (Rubbing) ஏற்படும் ஓசையினை
(Sound) டெத்தஸ்கோப் (Stethoscope)மூலம் கேட்டு அறியலாம்.
சோதனை:-
பரிசோதனைகள் இதய மின் வரைவில் (Electrocardiography) அலை
(Waves) அலை உயர்ந்தும் (Elevation) அலை தாழ்ந்தும்(Depression) இருந்திட காணலாம்.
சிகிச்சை :-
1.இந்த வலிக்கு ஆஸ்பிரின் (Aspirin) இன்டோ மெத்தாசின்
(Indomethacin) போன்ற மருந்துகள் நல்ல பலனைத் தரும்.
2.ஸ்டிராய்டு
(Steroids) போன்ற மருந்துகளும் வலியினை குறைத்திடும்.
3.வைரஸ்
கிருமியினால் ஏற்படும் இதய உறை அழற்சி சில வேலைகளில் மீண்டும் மீண்டும்
(Reccurrent) ஏற்படலாம்.
6. ஹார்ட் அட்டாக்கின் விளைவுகள்
ஹார்ட் பெயிலியர்
(Heart
Failure)
உடலின் செல்களுக்கு அவைகள் நல்ல முறையில்
செயல்பட ஆக்ஜிஸன் (Oxygen) வழங்கப்பட
வேண்டும்.செல்களில் கார்பன்-டை-ஆக்ஸைடு (Carbon Di Oxide) மிகுதியாக உற்பத்தி ஆகிறது.இதனை வெளியேற்றிட வேண்டும்.இந்த இரண்டு பணிகளையும் இரத்த ஓட்டமண்டலம் நடத்திடுகிறது.
இதயம் சுருங்கி விரிந்து அழுத்த விசையினை (Pressure Force) உற்பத்தி செய்து இரத்த ஓட்ட மண்டலத்தை இயக்கிப் பராமரிக்கிறது.இந்த பணிகள் உரிய வேகத்திலும் உரிய
அளவிலும் நடைபெற்றிட வேண்டும்.மாறாக இதயத்தின் சுருங்கி விரியும் திறன் பாதிக்கப்படும் போது இந்தப்பணிகள்
வெகுவாக குறைவுபடும்.இதயத்தின் இந்தப்பாதிப்புகள் ஹார்ட் பெயிலியர் (Heart Failure) என்று அழைக்கப்படும்.இதனால் கீழ்க்கண்ட பொதுவான நிகழ்வுகள் வெளிப்படும்.
இதயத்திலிருந்து வெளிப்படும் இரத்த
ஓட்டக் குறைபாடுகளினால் எல்லா உறுப்புகளுக்கும் இரத்த ஓட்டம் குறைவாகவே கிடைக்கிறது.இது ஆபத்தான நிலைகளை ஏற்படுத்தி
உயிரிழப்புகளை விளைவித்திடுகிறது.
அதாவது செல்களின் உயிர் இயக்கங்களுக்கு
வேண்டிய ஆக்ஸிஜன் குறைவாகக் கிடைக்கிறது. ஆக்ஸிஜன்
இல்லாது போனால் திசுக்கள் மாற்று வழியில்(Anaerobic
Metabolism) தனது வளர்சிதை மாற்றங்ளை நடத்திடத் துவங்கிடும். இந்த வகை
வளர்சிதை மாற்றங்களின் விளைவாக திசுக்களில் பல அமிலங்கள் மிகுதியாகிவிடும்.இவை திசுக்களின் அமிலத்தன்மையினை(Acidity)அதிகரித்துவிடும்.
அத்துடன் உடலின் செல்களில் கார்பன்-டை- ஆக்ஸைடு
அளவும் மிகுதியாகிறது.இது உடலில் பல்வேறு உயிர் இரசாயனங்கள் மற்றும் pH நிலையினை அமிலத் தன்மையுள்ளதாக மாற்றிடும்.இதனால் அவைகளின் பௌதீக இயக்கங்களின் (Physical Properties)செயல் திறன்கள் மாற்றப்படுகிறது.
இதன் விளைவாக பல்வேறு உறுப்புகளில் பல்வேறு நோய்களை விளைவித்திடும்.
இந்நோயில்
1. மூச்சுத் திணறல் (Dyspnea)
2. இரவில் இருமல் (Nocturnal Cough)
3. உடல் வீக்கம்(Edema)
4. மூச்சு இளைப்பு(Wheezing)
5. வேகமான சுவாசம்(Tachypnoea)
என்பவை சில அறிகுறிகள் ஆகும்.
பேராசிரியர் மரு .சி.கணேசன் எம்.டி.
இன் பசியின்மை என்னும் நூலில் இருந்து
கருத்துகள் இல்லை:
கருத்துரையிடுக