மெடிசன் டுடே .ஏப்ரல் 2017 இதழ்.

மெடிசன் டுடே ஏப்ரல்  2017 இதழ்.

மெடிசன் டுடே

தமிழில் முழுமையான முதல் மருத்துவ 

அறிவியல் நூல்.

ஏப்ரல்  2017 இதழ்.

ஏப்ரல்  14 முதல்  மே 15 2017 வரை.

இயக்கம்.

இயக்கம்.

தலைமை ஆசிரியர்

Dr.C.கணேசன் எம்.டி

பேராசிரியர் மருத்துவம்.

இணை ஆசிரியர்

Dr.R.கபிலன் எம்.டி.

மயக்கவியல் நிபுணர்

உதவி ஆசிரியர்.

Dr..G.அபிநயா எம்.பி. பி.எஸ்

தொழில்நுட்ப இயக்குணர்

Er.G.அகல்யா B.E

Associate Software Engineer Accenture.

தகவல் தொடர்பு

உதவி ஆசிரியர்

113 நாடிமுத்து நகர்

பட்டுக்கோட்டை தபா.

தஞ்சாவூர் மாவ

தமிழ்நாடு -

த கு 614 602

email:kpceegan@gmail.com.

visit us @ medicinetodaytamil@blogspot.com

cell:  +91 7667081110.

       99652 744440. 

வணக்கம்

தவிர்க்க இயலாத காரணங்களால் மார்ச் 2017 மற்றும் 

ஏப்ரல் 2017 இதழ்களை வெளியிடுவது காலதாமதமாகி

 இப்போது வெளியிடப்படுகிறது.

அறிவியலை படிப்பதற்கும் அறிவதற்கும் காலமும் 

நேரமும் ஓரு தடையாக இருந்திடப்போவதில்லை 

தானே ?

ஆனாலும் இனி வரும்மாதங்களில் இதழ்கள் 

உரியகாலத்தில் வெளியிடப்படும்.

மெடிசன் டுடே இதழில் எழுதிட விரும்பும் மருத்துவர்கள் 

மருத்துவ நிபுணர்கள் தங்களது கட்டுரைகளை 

எமக்கு அனுப்பிடலாம்.

கட்டுரைகள் மருத்துவ மாணவர்கள் மருத்துவ 

அறிவினைத்தேடிடும் பொதுமக்கள் மருத்துவர்கள் 

என்று மூன்று திசைகளிலும் பயன் தரும் வகையில் 

இருந்திடுதல் நன்று.

கட்டுரைகளுக்கு அடிப்படையாக கொள்ளப்படும் 

மூல க்கட்டுரைகள் மூல நூல்கள் தற்போது மருத்துவ 

உலகினரால் ஏற்றுக்கொள்ளப்பட்டவைகளாக 

இருந்திடுதல் வேண்டும்.

அதற்கான மூல ஆதாரங்களை கட்டுரையின் 

இறுதியில் குறிப்பிடப்படவேண்டும்.

கட்டுரைகள் வகுப்பெடுத்திடும் ஒரு ஆசிரியரின் 

பார்வையோடு இருந்திடுதல் மிகவும் எதிர்பாக்கப்படுகிறது.

கட்டுரைகளின் உள்ளடக்கம் முழுமையான மருத்துவ 

அறிவியலை முன்னிலைப்படுத்துவதாகவே இருந்திடல் 

வேண்டும்.

ஆங்கில மருத்துவத்துறையின் அனைத்துப்பிரிவிலும் 

இருந்து கட்டுரைகள் எழுதிடப்படலாம்.

இதன் தொடர்பான  அறிவிப்புகள் கீழே.

சிந்திக்கும் மொழியல் கல்வி பயிலுவோம்.

நமக்கு அறிவினைத்தந்த தமிழ் மொழிக்கு 

அறிவியலைத் தந்திடுவோம்

மீண்டும் அடுத்த இதழில் சந்திப்போம்

அன்புடன்

மரு.சி.கணேசன்.

தலைமை ஆசிரியர்

உள்ளே

01.சைன்ஸ் ஸ்டோக் சுவாசம்

(CHYNE STOKES RESPIRATION).

02. ஹார்ட் அட்டாக் தவிர்ப்போம்.

            (Prevention of Heart Attack).

03. ஒற்றைச் சிற்றறை  (SINGLE ATRIUM)

04.சைனஸ் அரித்மியா  (SINUS ARRYTHMIAS)

05. பிரின்ஸ் மெட்டல் ஆஞ்சைனா

                  (PRINZEMETAL ANGINA)

06.உருப்பெருநிலை  அக்ரோமெகாலி (Acromegaly).

                          

           01.சைன்ஸ் ஸ்டோக் சுவாசம்

CHYNE STOKES RESPIRATION.

சுவாசித்தலின் ( Respiration) இயக்கங்களில் பல வகைகள் உள்ளன. நோய்களின்  தன்மையையும் அவைகளின் விளைவுகளையும் சார்ந்து சுவாசித்தலின் தன்மை மாறுபடுகிறது. சுவாசித்தலின் தன்மையை ஆராய்ந்து நோய்களின் காரணத்தை அறிந்திடலாம்.சுவாசம் என்பது உள்மூச்சும் (Inspiration)வெளிமூச்சும் (Expiration)

சேர்ந்து ஒரு செயல் முறையாகும். நல்ல நிலையில் இருந்திடும்பொழுது உட்சுவாசத்தின்பொழுது மார்பு எலும்புகளும் (Costal Bones)

தசைகளும் (Muscles) விரிந்து நுரையீரலை விரிந்திட வைக்கிறது. இது உட்சுவாசமாகும்.

நோயற்று  இருந்திடும் நிலையில் (ஓய்வு நிலை இருந்திடும்பொழுதும்) இரண்டு நிலை சுவாசங்களும் சீராகவும் ஒழுங்காகவும்  செயல்பட்டுக் கொண்டிருக்கும்.

சைனஸ் ஸ்டோக் (Chynes Stokes )உட்சுவாசத்தின் நிலையில் உட்சுவாசத்தின் மார்பு விரிதலின் அளவு  (Thoracic Expansion) படிப்படியாக குறைந்து ( Gradual Decrease)

ஒரு நிலையில் சுவாசம் முற்றிலும் நின்று போகும். சில நொடிகள் கழித்து மீண்டும் உட்சுவாசம் (Inspiration)தொடங்கி மார்பு விரிவு படிப்படியாக உயர்ந்து உச்ச நிலையை அடைந்திடும். அந்நிலையில் சுவாசச்செயல்பாடுகள்  சில நிமிடங்கள் முற்றிலும் நின்று போகும்.

பிறகு சுவாசம் தொடங்கி முதலில் மார்பின் விரிவு அதிமாகவும் பிறகு அடுத்தடுத்த  சுவாசத்தில் மார்பு விரிவு படிப்படியாகக்குறைந்து இறுதியில் சுவாசம் சில நிமிடங்களுக்கு நின்று போகும்.

இதைப்போன்று நிகழ்வு மீண்டும் மீண்டும்  நடைபெற்றுக் கொண்டிருக்கும்.இதய செயற்குறை (Heart Failure) நிலையில் இதயத்திலிருந்து வெளியேற்றப்படும் இரத்தத்தின் அளவு குறைந்திடுவதால் திசுக்களுக்கு(Tissues) குறைவான ஆக்ஸிஜன் கிடைத்திடும். அத்துடன் இரத்த ஓட்டத்தின் வேகமும் (Rate of Circulation )குறைந்திடும். இதனால் திசுக்களுக்கு ஆக்ஸிஜன் சிடைப்பதும் திசுக்களிலிருந்து கார்பன்டை ஆக்ஸைடு (Carbon di-Oxide ) வெளியேற்றப்படுவதும் குறைபடும். இந்நிலையில் சைன்ஸ் ஸ்டோக் சுவாசம் (Chynes Stokes Respiration )துவங்கும்.

மூளை மற்றும் தண்ட வடத்தின் இடையே  மூளைத்தண்டு எனப்படும்( Brain Stem)

பகுதி அமைந்துள்ளது.மூளையிலிருந்து கண் (Eye)காது (Ear)  போன்ற பகுதிகளுக்கு வரும் தலை நரம்புகளின் மையங்கள் இங்கே தான் அமைந்துள்ளன.

இதன் மேற்பகுதியில் நடு மூளை (Mid Brain) நடுப்பகுதியில்  பான்ட்ஸ் (Pons) மற்றும் கீழ்ப்பகுதியில் முகுளம்(Medulla) போன்ற பகுதிகள்  அமைந்துள்ளன.

இந்த முகுளம் (Medulla) மற்றும் பான்ட்ஸ் (Bones) என்னும் அமைப்புகளில்தான் சுவாசத்தினைக்கட்டுப்படுத்திடும் நான்கு மையங்கள் அமைந்துள்ளன.

இந்த மையங்களின் செயல்பாடுகள் உடலின் பல இரசாயன மாற்றங்களின் தன்மையினைச்சார்ந்து வேகமாகவோ (Rapid)

அல்லது மெதுவாகவோ(Slow) இயங்கிடும்.உடலில் ஆக்ஸிஜன் அளவு குறைந்தால் (Hypoxia)அது இந்த மையங்களைத் தூண்டி வேகப்படுத்திடும்.

கார்பன் டை ஆக்ஸைடு மிகுதியும் (Hypercarbia)

 இந்த மையங்களைத் தூண்டி வேகப்படுத்திடும்.

இருப்பினும் ஆக்ஸிஜன் குறைவினை விடவும் கார்பன் டை ஆக்ஸைடு மிகுதிதான் இந்த மையங்களை மிகு வலுவாகத் தூண்டுகிறது.(Potent Stimulant)ஆக கார்பன் டை ஆக்ஸைடு குறைந்திட்டால் சுவாச மையங்களுக்கான தூண்டுதல்கள் (Stimulations)இல்லாது போகும் என்பது   இப்போது புரிந்திருக்கும். அது போலவே  அளவுக்கு அதிமான ஆக்ஸிஜனும் (More Oxygen)இந்த மையங்களின் செயல்பாடுகளை மழுங்கிடச்செய்திடும். (Blunting)

தற்;போது மீண்டும் இந்த செயின் ஸ்டோக்ஸ் ரெஸ்பிரேஷன் என்னும் சுவாச முறையில் நிகழ்வதை ஆராய்வோம்.இந்த செயின் ஸ்டோக்ஸ் ரெஸ்பிரேஷன் சுவாச முறை (Chymes Stokes Respiration)இதயச் செயற்குறைவு (Heart Failure)

நிலை மூளைத்தண்டு நோய்கள் (Brain stem diseases) மூளைகளில் சில பாதிப்புகள் (Brain Affections )போன்றவற்றால் ஏற்படுகின்றன.

இதன் ஒரு நிலையில் நோய்களின் விளைவாக இரத்தத்தில் ஆக்ஸிஜன் குறைந்து  கார்பன் டை ஆக்ஸைடு மிகுந்திடும் என்ற நிலையில் இந்த இரண்டு நிலைகளும் சுவாச மையங்களை வேகமாக செயல்படத் தூண்டிடும்.

இதனால் சுவாசங்கள் வேகமாக நடைபெறும் இதன் மூலம் உடலுக்கு அதிமான ஆக்ஸிஜன் கிடைக்கும்.

ஆனால் வேகமான சுவாசம் மூலம் அதிகமான கார்பன் டை ஆக்ஸைடு வெளியேற்றப்படும்.( Carbon di-Oxide) இப்போது ஆக்ஸிஜன் மிகுதியும்; (More oxygen) கார்பன் டை ஆக்ஸைடு குறைவும் (Hypocarbia) விளையும்.

தற்போதைய இரண்டு நிலைகளும் சுவாச மையங்களை மழுங்கிடச் (Blunting) செய்திடும். ஆக சுவாசங்கள் மெதுவடையும். (Slowing of Respiration)

சுவாசங்கள் மெதுவடையும் போது ஆக்ஸிஜன் குறைவும் (Hypercarbia )கார்பன் டை ஆக்ஸைடு மிகுதியும்  (Hypoxia) உடலில் ஏற்படும்.

இந்த இரண்டு நிலைகளும் மீண்டும் சுவாச மையங்களை( Respiaratory Centres) வேகமாகத் தூண்டி இயங்கிட வைத்திடும்.இந்த மொத்த நிகழ்வுகளும் இந்த சைன்ஸ் ஸ்டோக்ஸ் ரெஸ்பிரேஷன் மூச்சில் ஏற்படும் என்பதும் நோயறிதலில் இது ஓரு முக்கியமான நோய்க்குறி (Symptoms) என்பதும் நினைவிற் கொள்ளப்படவேண்டும்.

பேராசிரியர் மரு.சி.கணேசன் எம்டி.

02. ஹார்ட் அட்டாக் தவிர்ப்போம்.

Prevention of Heart Attack.

1.பொதுவாக கொழுப்புக்கள் அதன் அடர்வு எண்ணைச் (Density )சார்ந்தே வகைப்படுத்தப்பட்டுள்ளன என்ற வகையில் LDL  கொலஸ்ட்டிரால், VLDL கொலஸ்ட்டிரால் ஹார்ட் அட்டாக் (Heart Attack) நோயினை ஏற்படுத்துகிறது. முட்டை, கறி (சிறுநீரகம், (Kidneys )நாக்கு) (Tongue) போன்றவைகள் தவிர்ப்போம்.காய்கறிகள் (கிழங்கு தவிர்த்து) அதிகம் உண்போம்.நல்ல எண்ணெய் (Gingelli  oil), ரிபண்டு ஆயில்( Refind oil) பயன்படுத்திடலாம்.

2.புகை(Smoke) ஹார்ட் அட்டாக்கை ஏற்படுத்துகிறது.ஹார்ட் அட்டாக் ஏற்பட்ட பிறகு நடக்கும் விளைவுகளைப் பெருக்குகிறது.

3.மது( Drinks) குறைந்த அளவில் அருந்திடும் போதுதான் இதயத்தை பாதுகாத்திடும்.அளவு அதிகரித்திடும்போது நேரடியான இதய பாதிப்பினை உண்டாக்குகிறது.

4.நீரிழிவு நோய்( Diabetes Mellitus ) கொழுப்புகளை அதிகரித்திடுவதால் ஹார்ட் அட்டாக் நோய் ஏற்படுகிறது.நரம்புகளையும் (Nerves )இது பாதித்திடுவதால் ஹார்ட் அட்டாக் ஏற்படும்போது வலி.(Pain) தெரிவதில்லை.நீரிழிவு நோய்க்கு ஒழுங்கான சிகிச்சை அவசியம்

5.இரத்தக் கொதிப்பு (Blood Pressure) ஹார்ட் அட்டாக்(Heart Attack), ஹார்ட் பெயிலியர்

(Heart Failure)போன்றவைகளை ஏற்படுத்திடுவதால் இரத்தக் கொதிப்பு நோயினை ஒழுங்காக சிகிச்சை செய்திடல் வேண்டும்.

6.உடல் எடை (Body Weight) மிகுதி( Excess) ஹார்ட் அட்டாக் ஏற்படுவதற்கு மிக முக்கியமான காரணமாகும்.எடை மிகுந்தவர்களில் ஹார்ட் அட்டாக் ஏற்படும்போது அதன் விளைவு மிக அதிகமாக ஏற்படுகிறது.

7.எடையினை குறைத்திடவும், (Reduction Of  Weight) கொலஸ்ட்டிராலை குறைத்திடவும், இதய தசைகளில் இரத்த ஓட்டத்தைப் பெருக்கிடவும் சீரான தொடர்ந்த உடற்பயிற்சி அவசியம்.

8.தேவையான அளவு தூக்கம் இதயத்திற்கு அவசியம்.

9.நல்ல ஓய்வும் அவசியம்.

10.அதிக கோபம்,( Rage )அதிகமாக உணர்ச்சி வசப்படுதல்(Emotions), நிமிடங்களையும் நொடிகளையும் கணக்கிட்டுக் கொண்டே பணிகளைப் பதட்டத்துடன் செய்திடுவது ஹார்ட் அட்டாக்( Heart Attack.)ஏற்பட வழிவகுக்கும்.

பேராசிரியர் மரு.சி.கணேசன் எம்டி.

     03. ஒற்றைச் சிற்றறை

SINGLE ATRIUM

    இதயத்தில் ஏற்படும் பல்வேறு நோய்களைப்பற்றி நாம் அறிந்திருக்கக் கூடும். அவைகளின் விளைவுகளையும் நாம் அறிந்திருக்கக் கூடும். மாற்றாக, இதயத்தில் ஏற்படும் வேறு சில அமைவியல் நோய்கள் (Structural Diseases) நமக்கு புதுமையாகவும் நாம் எண்ணிப் பார்த்திடாத வண்ணமும் இருந்திடும்.

    பொதுவாக இதயத்தில் இரண்டு சிற்றறைகளும் (Atria) இரண்டு பெருவறைகளும் (Ventricles) அமைந்திருக்கும். இரண்டு பெருவறைகளுக்கிடையே இடைப் பெருஞ்சுவரும் (Inter Ventricular Septum )இரண்டு சிற்றறைகளுக்கிடையே குறும் இடைச்சுவரும் (Inter Atrial Septum) அமைந்திருக்கும். சில காரணங்களால் கருவில் இதயம் வளரும்போது (During Development) இரண்டு சிற்றறைகளுக்கிடையே உள்ள இடைச்சுவர் (Interatrial Septum )உறுப்பெறாமல்.(Aplasia) போய்விடும். விளைவு சிற்றறை ஒரே அறையாக இருந்திடும்.

    ஒற்றைச் சிற்றறை (Single Atrium) என்பது அறிதான( Rare), பொதுவாக தனித்தே (Isolated )அமையும் ஒரு இதய குறைபாடாகும். குறு இடைச்சுவர் இல்லாமல் இருப்பதோடு ஈரிதழ் வால்வின் உள் இதழில் (Medial leaflet) சற்று பிளவும் (Cleft) ஏற்பட்டிருக்கும். இதே போன்றதொரு மாற்றம் மூவிதழ் வால்வு இதழ்களிலும்(Tricuspid Valve) நிகழலாம்.

    இவ்வகை குறைபாடு சில வேளைகளில் வேறுசில நோய்களுடன் இணைந்திருக்கலாம். குறிப்பாக, எல்லீஸ் வான் கீரிவேல்டு (Ellis Van Creveld)என்னும் நோய்மையில்(Syndrome) ஒற்றை சிற்றறை ஒரு பகுதியாக அமைந்திடும். அத்துடன் வேறுசில நோய் நிலைகளில் மன்னீரல் முற்றிலும் அமையாமலோ (Asplenia)  அல்லது எண்ணிக்கையில் மிகுந்தோ(Accessary Spleen) இருந்திடலாம். இந்த வகையான நோய்மையுடன் ஒற்றை சிற்றறையும் ஒரு பகுதியாக அமைந்திடும்.

    ஒற்றை சிற்றறையில் கீழ்க்கண்ட அறிகுறிகள் இருந்திடும்.

1. குறுஞ்சுவர் குறை (Atrial Septal Defect )போன்று மென்னொலி (Murmurs) கேட்கப்படும். இதய சுருக்கநிலை முழுவதும் தொடர்ந்து இந்த மென் ஓசை கேட்டிடும்.

2. ஈரிதழ் வால்வு விரிநிலை(Metral Valve Regurgitation) ஏற்பட்டு அதன்மூலம் இதய சுருக்கநிலை முழுதும் மென் ஓசை  கேட்கப்படும்.

3. தோலில் நீலம் (Cyanosis) படர்ந்திருக்கும் (சிறிதளவு).

4. நுண்கதிர் சோதனையில்(X-Ray )இதயத்தின் அளவு பெருத்திருக்கும். (Enlargement)

5. நுண்கதிர் வரைவியில் (X-Ray) சுவாச தமனியில்(Pulmonary Artery) இரத்த ஓட்டம் அதிகரித்திருக்கும் (More Blood Flow) அறிகுறிகள்  தோன்றும்.

6. இதய மின்வரைவியில்(Electro Cardio Graphy) ஏட்ரியோ வெண்டரிகுளர் செப்படல் டிபக்ட்  (Atrio Ventricular Septal ) போன்று மாற்றமிருக்கும்.

7. 2-னு எதிரலை மின்வரைவியில்(2D-Eeno Defect) இரண்டு சிற்றறைகளுக்கிடையே (Inter Atrial Septum )இடைச்சுவர் சிறிதளவு கூட இருப்பதில்லை.

8. 2- D எதிரலை சோதனையில்(2 D-echo) ஈரிதழ் வால்வின் உள் இதழ் பிளவும் (Medial leaflet Cleft ) இடது பெருவறை விரிவு நிலையில்( Dilalation of Left

Ventricle )பெரிய அளவிலும் இருந்திடும்.

9. அத்துடன் பொதுவாக பெருவறைகள் சுருங்கும்பொழுது (Contraction) பெருஞ்சுவர் வலதுபக்கப்  பெருவறையை நோக்கி(Towards Right Ventricle) நகர்ந்திடும். ஆனால் ஒற்றை சிற்றறையில் இதயம் சுருங்கும்பொழுது பெருஞ்சுவர்  இடது பெருவறையை நோக்கி (Towards Left Ventricle )நகர்ந்திடும். இது பேராடாக்ஸிக்கல் வெண்ட்ரிகுளர் செப்டல் மூவ்டெண்ட( Parodoxial Ventricular Movement.) என்று அழைக்கப்படும்.

10. 2- னு எதிரலை வரைவியில் (2D Echo )சுவாச தமனி( Pulmonary Artery) உருவில் விரிந்தும் (Dilaration)பெருந்துடிப்புடனும்(.Large pulsation)காணப்படும்.

11. குழாய் வரைவியில் (Angiography) ஒற்றை சிற்றறை ஒரு கோள வடிவில்

(Globe )தோன்றிடும்.

12. இடது பெருவறை குழாய் வரைவியில் (Left Ventricular Angiogram ) பெறப்படும் நுண்கதிர் படத்தின் தோற்றம் ஒரு வாத்தின் கழுத்தை (Neck of Duck) ஒத்திருக்கும்.

    மேற்கண்ட குறிகளைக் கொண்டு ஒற்றை சிற்றறை நோயினை எளிதில் உறுதி செய்யப்படலாம்.

    ஒற்றை சிற்றறைக்கு அறுவை சிகிச்சையே(Surgery) ஒரே சிகிச்சை முறையாகும். இந்நோயினால் சுவாச உயரழுத்தம்(Pulmonary Hypertension) ஏற்பட்டிருக்கவில்லை என்றால் ஒற்றை சிற்றறைக்கு செயற்கை பொருள்களைக் கொண்டு இடைச்சுவர் உண்டாக்கப்படலாம்.

பேராசிரியர் மரு.சி.கணேசன் எம்டி.

04.சைனஸ் அரித்மியா  SINUS ARRYTHMIAS

ஒரு நிமிட நேரத்தில் இதயம் எத்தனை முறை சுருக்கம் அடைகிறது என்பது இரத்தக் குழாய்களில்(.Blood vessels) நாடித்துடிப்பாக(.Pulse) வெளிப்படும். சாதாரண நிலையில் உள் மூச்சின்போதும்( Inspiration )வெளிமூச்சின் போதும் (Expiration )நாடித்துடிப்பில் எவ்வித மாற்றமும் ஏற்படுவதில்லை. சில நபர்களில் எவ்வித நோய் நிலையும் இல்லாதிருந்தாலும் உள்மூச்சின்போது.(Inspiration) இதயத்துடிப்பு அதிகமாகவும் (Rapid heart rate) வெளிமூச்சின்போது இதயத்துடிப்பு குறைவாகவும் இருந்திடும். இந்நிலை  சைனஸ் அரித்மியா (Sinus arrhythmias) என்று அழைக்கப்படும். பொதுவாக அரித்மியா (Arrythmia) என்பது இதயத்தின் ஒழுங்கற்ற இயக்கத்தினைக் குறித்திடும்.இது கனிசமான வேளைகளில் உயிர் ஆபத்துக்களைத் (Mortality )தருவதாக இருந்திட்டாலும் இந்த சைனஸ் அரித்மியா(Sinus Arrhythmias)  எவ்வித நோய்களையும் (Diseases )குறித்திடுவதில்லை என்பதுடன் இது எந்தவித உயிர் ஆபத்துக்களையும்(Mortality) விளைவிப்பது இ;ல்லை என்பது குறிப்பிடத்தக்கது.

பேராசிரியர் மரு.சி.கணேசன் எம்டி.

05. பிரின்ஸ் மெட்டல் ஆஞ்சைனா

                  (PRINZEMETAL ANGINA)

உடலின் பல்வேறு உறுப்புகளுக்கும்(Organ)சுருங்கி(Contraction &Dilatation), விரிந்து இரத்தத்தை வழங்கும் இதய தசைகளுக்கும் (Mycardium)  , இரத்த ஓட்டம் .(Blood)தேவைப்படுகிறது. இதற்கென்று கொரனரி குழாய்கள் (coronary Artery)  என்னும் அமைப்புகள் இதயத்தில் அமையப்பெற்றுள்ளன.தேவையான பொழுது(When needed) தேவையான அளவு (Needed Quantity)இதயத்திற்கு இரத்தத்தை வழங்கிடுதல் இதன் பணியாகும். இக்குழாய்களின் வழியே வழங்கப்படும் இரத்த ஓட்டத்தின் அளவு குறைந்தாலோ (Decreased Blood Blow)அல்லது இதய தசைகளின் இரத்தத் தேவை அதிகரித்திட்டாலோ (Increased Blood Damaged)  அதன் விளைவாக ஹார்ட் அட்டாக் (Heart attack) எனப்படும் இதய தசை சிதைவு (Myocardial Infarction) ஏற்படும்.பொதுவாக இரத்தக்குழாயில் இரண்டு விதமான விசைகள் (Forces) செயல்பட்டுக் கொண்டிருக்கும். இரத்தக்குழாயினுள் பாய்ந்தோடும், இரத்தம் இரத்தக்குழாயை விரிவடையச்( Dilatation)

 செய்திடும். அதே வேளையில் அவை அதிகம் விரிவடைந்திடாமல் இருப்பதற்கு சில நரம்புகளிலிருந்து வெளிப்படும் சில இரசாயனங்கள் அதைக் கட்டுப்படுத்துகிறது. இவ்வகை நரம்பு வழி இரசாயனங்கள் இரத்தக் குழாய் விரிவடையாமல் தடுத்திடும். இரத்தக்குழாயின் மீது செயல்படும் இந்த விசை டோன்  எனப்படும்.டோன் குறைவாக இருந்தால் இரத்தக்குழாய் விரிவடையும். டோன் அதிகரித்து இருந்தால் இரத்தக்குழாய் சுருங்க நேரிடும்.

கொரனரி குழாய்களில் படியும் அத்திரோஸ்கிளிரோசிஸ்  (Atheroselerosis)

என்னும் கொழுப்பு திரட்டுகள் இரத்தக்குழாயின் லூமன் (Lumen)

  எனப்படும் உள் வழியினை படிப்படியாக அடைந்திடுவதால் இரத்த ஓட்டம் குறைந்து இதய தசைகள் சிதைந்து சிதைவுறும் (ஹார்ட் அட்டாக்) என்பதை நாம் அறிந்திருப்போம்.

அல்லது இதயதசைகள் உருவிலும், (Size)

அளவிலும்( Numbers)

பெருக்கமுற்று( Hypertrophy)

நல்ல நிலையில் இருந்திடும் இரத்தக் குழாய்களின் வழியே கிடைத்திடும் இரத்தத்தின் அளவு போதுமானதாக இல்லாமல்(Not Adequate) போனாலும் இதய தசை சிதைவு ஏற்படும்.மேற்கண்ட இரண்டு நிலைகளும் இல்லாது கொரனரி இதய குழாய்களின் டோன் ( Tone)

மட்டும் அதிகரித்து இரத்தக் குழாயை சுருங்கச் செய்து இரத்த ஓட்டத்தைக் குறைத்திடக்கூடும். இவற்றைத் தொடர்ந்து ஆஞ்சைனா( Angina)

 எனப்படும் நெஞ்சுவலி ஏற்படும். இது பிரின்ஸ் மெட்டல் ஆஞ்சைனா (Prinzemetal Angina) என்று அழைக்கப்படும். நோயாளிக்கு நெஞ்சுவலியும்(Chest pain), இதய மின் வரைவியில் ( Ecg)புதிய ஹார்ட் அட்டாக்கை குறித்திடும் அலை அளவில் உயர்ந்திருக்கும்.பொதுவாக ஆஞ்சைனா (Angina) என்னும் இதயவலி ஏற்பட்டபிறகு ஓய்வு எடுத்துக் கொண்டால் வலி குறைந்திடும் (Chest pain reduces)என்பது நமக்கு தெரியும். வேறு வழியில் சொல்வது என்றால் வேலை செய்துகொண்டிருந்தால் இதயவலி அதிகரித்து (Increased chest pain)விடும்.உழைத்திடும்போது வலி அதிகரிப்பதோடு(Exertional Chest Pain)ஓய்வெடுப்பதால்(Rest)வலி குறைவுபடும் (Pain Decreases). இந்த இரண்டு குணங்களையும் கொண்டு ஒருவருக்கு ஏற்பட்ட நெஞ்சு வலியானது ஆஞ்சைனா என்று நம்மால் கண்டறிய இயலும். இவ்வலியின் காரணத்தைக் கண்டறிந்து நாம் உரிய சிகிச்சை எடுத்திட வேண்டும்.

மாற்றாக, ஓய்வு எடுக்கும்போதே ஏற்படும் பிரின்ஸ் மெட்டல் இதய வலியானது நோய் அறிதலிலும் (Diagnosis) , சிகிச்சை செய்வதிலும் குழப்பங்களை ஏற்படுத்திடும் என்பது தெளிவு.

எனவே இந்நோய் கவனமாக கண்டறியப்படவேண்டும்.பிரின்ஸ் மெட்டல் இதய வலியினால் பெரும்பாலும் நல்ல நிலையில் இருந்திடும் இதய கொரனரி குழாய்களில்  (Coronary Artery ) ஏற்படும். சில வேளைகளில் அத்திரோஸ்கிளிரோசிஸ் ( Athero sclerosis) என்னும் கொழுப்பு திரட்டுகள் படிந்த கொரனரி குழாய்களிலும் ஏற்படலாம்.

நல்லநிலையில் இருந்திடும் இரத்த குழாய்களில் டோன் மிகமிக கடுமையாக இருந்தால் மட்டுமே குழாய் சுருக்கம் ஏற்படும். ஆனால் கொழுப்பு திரட்டுகள் (Athero sclerosis )படிந்துள்ள இரத்தக்குழாயின் மிகக் குறைந்த அளவு டோன் (.Tone) அதே விளைவை ஏற்படுத்திட போதுமானதாகும்.

உயர்ந்த டோன்(Tone) கொரனரி குழாய்களை சுருக்கமடையச் செய்திடும்  நோயின் மூலக் காரணம் (Cause )அறியப்படவில்லை என்றாலும் ஏர்கோ மெட்ரின்  (Ergo metrine ) போன்ற மருந்துகளினால் இந்நிலை விரைவாக ஏற்படுத்தப்படுகிறது என்பது குறிப்பிடத்தக்கது.

இந்த நோயின் அறிகுறிகள் முக்கியமாக ஓய்வு நிலையில் (Rest)  நெஞ்சுவலி (Chest Pain) ஏற்படும். குறிப்பாக அதிகாலை வேலையில் (.Early Morning ) ஏற்படும் இந்தவலி குறைவான நேரமே  (Short Duration )இருந்திட்டாலும் வலியின் அளவு மிக அதிகமாக (More Severe Pain)இருந்திடும்.

இது ஒருபோதும் இதய தசை சிதைவில்( Heart Attack) முடிந்ததாக எவ்வித ஆதாரமும் இல்லை. ஹார்ட் அட்டாக் என்னும் நெஞ்சுவலி வந்தபோதும் வலி ஏற்படுவதற்கு முன்பும் தடுப்பு மருந்துகளாக நைட்ரேட் (Nitrate) மற்றும் நிப்பிடிபின்(Nifidipine)  என்னும் கால்சியம் சேனல் பிளாக்கர்( Calcium Channel Blocker) மருந்துகள் இந்நோய்க்கு நல்ல பலனை அளிக்கின்றன.

பேராசிரியர் மரு.சி.கணேசன் எம்டி.

06.உருப்பெருநிலை  அக்ரோமெகாலி

Acromegaly.

கருவில் (Pregnancy)எலும்புகள் (Born) அமைப்பு தோன்றும்பொழுது குறுத்தெலும்பாக (Cartilage)அமையும்.பிறகு, படிப்படியாக வளர்ந்து கால்சியம் (Calcium), பாஸ்பேட் (Phosphate) உப்புகள் சேர்ந்து முழுமையாக எலும்பாக மாறுகிறது. இவற்றின் வளர்ச்சியை நடத்திட எஃபிபைசிஸ் (Epiphysis)என்ற ஒரு பகுதி எலும்லேயே அமையப்பெற்றுள்ளது.

பிட்யூட்டரி சுரப்பியிலிருந்து (Pituitary) சுரக்கும் குரோத் ஹார்மோன் (Growth Hormone) என்னும் ஹார்மோன் உடலின் மற்ற உறுப்புகளைப் போலவே எலும்புகளின் வளர்ச்சியையும் (Growth of Born) கட்டுப்படுத்துகிறது. இந்த எஃபிபைசிஸானது எலும்புகளின் வளர்ச்சியின்பொழுது வேகமாக (Active) செயல் பட்டுக்கொண்டு இருக்கும்.

இதன் செயல்பாடுகள் நின்று போன பிறகு எலும்புகள் வளர்ச்சி பெருவது இல்லை.பொதுவாக, பெண்களில் 18 வயதின்பொழுதும் ஆண்களில் 22 வயதின் பொழுதும் இந்த எஃபிபைசியின் செயல்பாடுகள் முற்றுப் பெறுகிறது (Ossification).அதன் பிறகு, எலும்புகள் வளர்ச்சி பெறுவதில்லை. (எஃபிபைசிஸ் செயல்பாடுகள் முடிவதற்கு முன்பு குரோத் ஹார்மோன் அதிகம் சுரந்தால் ஜெயிசான்டிசம் (Gigantism) என்னும் நோய் நிலை விளைகிறது).

உடலின் வளர்ச்சி இரண்டு பகுதிகளைக் கொண்டது.ஒன்று, அதன் அமைப்பு தொடர்பான வளர்ச்சி (உயரம் (Height), எடை (Weight)போன்றவைகள்). இரண்டு, அதன் செயல் திறன் (Development). இரண்டும் எப்போதும் ஒத்திருக்க வேண்டியது அவசியம். இது இல்லாது போனால் வளர்ச்சி முழமைபெறாது என்பது விளங்கும்.

உடலின் உறுப்புகளின் அதன் செல்களின் வளர்ச்சியை நிகழ்த்தும், நடத்தும் ஹார்மோன் வளர்-ஹார்மோன் (Growth Hormone) என்று அழைக்கப்படுகிறது.பிட்யூட்டரி சுரப்பியில் சுரக்கப்படும் இந்த ஹார்மோன் அளவு மிஞ்சி சுரந்தால் அக்ரோமெகாளி என்னும் உறுப்பெருநிலை ஏற்படுகிறது.

உடலியல் மாற்றங்கள் வெளித்தெரியாமலும் (Insidious)நீண்ட நாட்களாகவும் (Chronic)உடல் செயலிழப்பு (Body Function Failure)ஏற்படும் வகையிலும் நோய் வளர்ச்சி நடைபெறும்.

உடலின் எலும்புகளும் (Bones), மென்திசுக்களும் (Soft Tissues) மிகுதியான வளர்ச்சியைப் (Excessive Growth)பெற்றிடும்.

இந்த நோய் பொதுவாக ஆண், பெண் இருபாலரிடையேயும் சரிசமமான அளவில் காணப்படுகிறது.அவர்களில் நடுவயதினரிடையே (Middle Age) மிகுதியாகக் காணப்படும்.ஒரு கணக்கின்படி ஒரு லட்சம் பேர்களில் 3 நபர்களுக்கு இந்நோய் நிகழ்வது கண்டறியப்பட்டிருக்கிறது.

எஃபிபைசிஸ் (Epiphysis)என்ற பகுதி மூடிக்கொள்வதற்கு முன் வளர் ஹார்மோன் (Growth Hormone)அதிகம் சுரந்தால் விளைவு ஜைஜான்ட் (Gigantism) என்னும் நிலை ஏற்படும். இவற்றில் உடலின் உறுப்பின் பருமன் அளவு (Weight  )மட்டும் அல்லது உயரம் தொடர்பான வளர்ச்சியும் (Linear Growth) இருந்திடும்.எனவே, நோயாளிகள் மிகுதியான உயரமானவர்களாக இருப்பார்கள்.

வளர்-ஹார்மோன் (Growth Hormone)பெரும்பாலும் பிட்யூட்டரி சுரப்பியிலிருந்து ஏற்படும் கட்டிகளின் (Pituitary Tumors) விளைவாகவே சுரக்கப்படுகிறது.

 அக்ரோமெகாளியை உண்டாக்கும் பிட்யூட்டரி கட்டிகள் அதிவேகமாக செயல்படும் (Rapid)என்பது நினைவில் கொள்ளத்தக்கது.

இக்கட்டிகள் அதிவேகமாக நோயை வெளிப்படுத்தும் (Manifestations) என்பதை நினைவிற்கொள்ள வேண்டும். உடலில் எலும்புகளும், மென்திசுக்களும் (Soft Tissues)அதிகமான அளவிற்கு உறுப்பெருக்கமடைந்திருக்கும் (Acromegaly). 

கைகளும், கால்களும் பெருக்கடைந்திருக்கும்.கபாலத்தின் அளவும் பெருக்கும் என்பதால் தொப்பியை (Hat)அணியும் பழக்கமுடையவர்கள் அடிக்கடி தொப்பியை மாற்றும் அவசியம் ஏற்படும். கீழ்த்தாடை (Prognothism)நீண்டிருக்கும்.

இன்சுலின் செயற்தடை (Insulin Resistence) 80 சதவிகித நோயாளிகளில் ஏற்படுகிறது. குளுக்கோஸ் ஒவ்வாமை (Glucose Allergy)20 முதல் 40 சதவீத நோயாளிகளில் ஏற்படுகிறது. 

முழுமையான நீரிழிவு நோய் (Diabetes Mellitus)13 முதல் 20 சதவிகித நோயாளிகளில் ஏற்படுகிறது. 

இரத்தத்தில் 1-25 டை ஹைராக்ஸி வைட்டமின்-டி (Di hydroxi Vitamin D)எனப்படும் ஹார்மோன் (Hormone) மிகுந்திருப்பதோடு இரத்த கால்சியம் (Calcium) மிகுந்திருக்கும். 

                                               

இந்நோயாளிகளில் ஐந்தில் ஒருவருக்கு நீரக கல் நோய் (Stones)ஏற்படும்.

 இந்நோயில் பாஸ்பேட் மீள் உறிஞ்சுதல் (Reabsorption)நீரகத்தில் அதிகரிப்பதால் இரத்தத்தில் அதிகமான பாஸ்பேட் இருந்திடும் (Phosphate). இந்த குறைபாடு 50 சதவீத நோயாளிகளில் ஏற்படுகிறது. 

பொதுவாக குழந்தை பிறப்பிற்குப் (After delivery)பிறகு தாய்ப்பால் சுரக்க வைக்க பிட்யூட்டரி சுரப்பியிலிருந்து புரொலாக்டின் (Prolactin)என்னும்  ஹார்மோன் சுரக்கும்.

இந்த புரொலாக்டின் ஹார்மோன் (Prolactin Hormone) அக்ரோமெகாளி (Acromegaly)நோயில் மிகுதியாக சுரந்திடும்.

விளைவு நோயாளிக்கு (ஆணாக இருந்தாலும்)பால் சுரக்கும் (Leucorrhoea).

பெண்களுக்கு மாதவிலக்கு நின்றுபோகும் (Menopause).பாலுணர்வு குறைவும் (Loss of Libido)ஏற்படும்.

நோய்க்காரணங்கள்:

பெரும்பாலும் பிட்யூட்டரி சுரப்பியில் ஏற்படும் சுரப்பிக்கட்டிகளே (Pituitary Tumors)அக்ரோமெகாளி நோய்க்கு காரணமாகும்.

இவ்வகை கட்டிகள் செமாட்டோ ட்ரோப் (Somatotroph) என்றழைக்கப்படும் வளர் ஹார்மோன்(Growth Hormone) சுரந்திடும் செல்களிலிருந்துதான் ஏற்படுகிறது.

வளர்-ஹார்மோன் அளவு கட்டியின் பருமனைப் (Tumor Mass)பொருத்து மாறுபடும். இவ்வகை கட்டிகள் இளம் வயதினருக்கு (Adults) ஏற்படும்போது அவை வெகுவேகமாகவும்  விரைவாகவும் வெளிப்படும்.

    பேராசிரியர் மரு.சி.கணேசன் எம்டி. எழுதிய  நாளமில்லா    சுரப்பி நோய்  என்னும் நூலில் இருந்துஇருந்து