மெடிசன் டுடே பிப்ரவரி 2017 இதழ்.

மெடிசன் டுடே

தமிழில் முழுமையான முதல் மருத்துவ 

அறிவியல் நூல்.

பிப்ரவரி 2017 இதழ்

பிப்ரவரி 14 முதல் 15 மார்ச் வரை.

இயக்கம்.

தலைமை ஆசிரியர்

Dr.C.கணேசன் எம்.டி

பேராசிரியர் மருத்துவம்.

இணை ஆசிரியர்

Dr.R.கபிலன் எம்.டி.

மயக்கவியல் நிபுணர்

உதவி ஆசிரியர்.

Dr..G.அபிநயா எம்.பி. பி.எஸ்

தொழில்நுட்ப இயக்குணர்

Er.G.அகல்யா B.E

Associate Software Engineer Accenture.

தகவல் தொடர்பு

உதவி ஆசிரியர்

113 நாடிமுத்து நகர்

பட்டுக்கோட்டை தபா.

தஞ்சாவூர் மாவ

தமிழ்நாடு -

த கு 614 602

email:kpceegan@gmail.com.

visit us @ medicinetodaytamil@blogspot.com

cell:  +91 7667081110.

       99652 744440. 

வணக்கம்

தமிழில் அறிவியல் சிந்தனை வளர்த்திடுவதே இந்த இதழியல் முயற்சியின் நோக்கம்.

முதல் இதழுக்கு கணிசமான அளவிற்கு வரவேற்பினைப்பெற்றிட்டது என்பது குறித்து மிகுந்த மகிழ்ச்சி.

இது இரண்டாவது மாத இதழ். பல கட்டுரைகள் இதில் வெளியிடப்பட்டிருக்கின்றன.

மெடிசன் டுடே இதழில் எழுதிட விரும்பும் மருத்துவர்கள் மருத்துவ நிபுணர்கள் தங்களது கட்டுரைகளை எமக்கு அனுப்பிடலாம்.

கட்டுரைகள் மருத்துவ மாணவர்கள் மருத்துவ அறிவினைத்தேடிடும் பொதுமக்கள் மருத்துவர்கள் என்று மூன்று திசைகளிலும் பயன் தரும் வகையில் இருந்திடுதல் நன்று.

கட்டுரைகளுக்கு அடிப்படையாக கொள்ளப்படும் மூல க்கட்டுரைகள் மூல நூல்கள் தற்போது மருத்துவ உலகினரால் ஏற்றுக்கொள்ளப்பட்டவைகளாக இருந்திடுதல் வேண்டும்.

அதற்கான மூல ஆதாரங்களை கட்டுரையின் இறுதியில் குறிப்பிடப்படவேண்டும்.

கட்டுரைகள் வகுப்பெடுத்திடும் ஒரு ஆசிரியரின் பார்வையோடு இருந்திடுதல் மிகவும் எதிர்பாக்கப்படுகிறது.

கட்டுரைகளின் உள்ளடக்கம் முழுமையான மருத்துவ அறிவியலை முன்னிலைப்படுத்துவதாகவே இருந்திடல் வேண்டும்.

ஆங்கில மருத்துவத்துறையின் அனைத்துப்பிரிவிலும் இருந்து கட்டுரைகள் எழுதிடப்படலாம்.

இதன் தொடர்பான  அறிவிப்புகள் கீழே.

சிந்திக்கும் மொழியல் கல்வி பயிலுவோம்.

நமக்கு அறிவினைத்தந்த தமிழ் மொழிக்கு அறிவியலைத் தந்திடுவோம்

அன்புடன்

மரு.சி.கணேசன்.

தலைமை ஆசிரியர்

உள்ளே

01.பெரிகார்டியம் (Pericardium).

02.இதய உறை கால்சியப் படிவு (Pericardial Calcification).

03.பிலேட்டிலெட்    (Platelets).

04.சிக்சைனஸ்நோடு சின்ட்ரோம்(Sick  Sinus Syndrome)

05.சைனஸ் வினோஸிஸ்  Sinus Venosis.

06.ஊண்வெறுப்பு நோய்(Anorexia Nervosa)

07.பலூன் வால்வுலோ பிளாஸ்டி (Balloon Valvuloplasty).

08.ஹீமோகுளோபின் Haemoglobin

09.ஸ்பிக்மோ மோனோமீட்டர் Sphigmomonometer

10. வேரிக்கோஸ் வெயின்(Varicose Veins).

11.ரொமட்டாய்டு ஆர்த்ரைட்டிஸ் (Rheumatiod Arthritis).

12.ஈரிதழ் வால்வு மீள் சுருக்கம் (Mitral Restenosis).

13. வலப்பக்க மகாதமனி (Right Sided Aorta).

14.மருத்துவப் பிதா மகன் -ஹிப்போகிரேட்ஸ்(Hippocrates).

 01.பெரிகார்டியம் Pericardium.

உறுதியான ஜவ்வு (Membrane)போன்ற

பெரிகார்டியம் (Pericardium) என்னும் இதய உறையானது, இரண்டு மடிப்புகளாக (Bilayers)அமைந்து இதயத்தின் ஒரு முனையிலிருந்து(One End) இதயத்தின் மறுமுனைக்கும்(Another End ) பரவி அமைந்துள்ளது. இந்த இதய உறையானது இதயத்திலிருந்து  புறப்படும் மகாதமனி (Aorta)மற்றும் சுவாச தமனிகளின் சுவற்றிலும்(Pulmonary Arterial wall)  சற்று தூரம் வரையும் இணைந்து பரவியிருக்கிறது.

இதய உறையின் உள் படிவு (Endocardium) இதயத்தின் வெளிப் பகுதிகளின் மீது பிரித்திட இயலாவன்னம் (Inseparable)அமைந்திருக்கும். வெளியுறையானது உள்ளுறையின் தொடர்ச்சியாக (continuous)இருந்திட்டாலும் இவ்வுறை இவ்வுறைகள் பிரிந்தே(Separate) இருந்திடும். இரண்டு உறைகளுக்கிடையே அமைந்துள்ள ஒரு வெற்றிடம் (Space)ஒரு பெரும் விசையாக (Force)செயல்படுகிறது.

இதயத்தை சுற்றியுள்ள இதய உறையின் பணிகளைப் பற்றி யாரும் அறிந்திருக்க வாய்ப்பில்லை. இதய உறையானது இதயத்தின் செயல்பாடுகளிலும்(Cardiac Activities) இதய நோய்களின் பொழுதும் (During Diseases)பல வகைகளிலும் முக்கிய பங்கினை ஆற்றிடும் என்பது குறிப்பிடத்தக்கது.

1.முதலில் இந்த அமைப்பு இதயத்தை தாங்கும் பையாக (Sac) செயல்படும் என்பதோடு இதயத்தின் அமைவிடத்தை அது நிலைப்படுத்துகிறது(Anatomical  Fixation).

2.இதயத்தின் இயக்கத்தின் (Cardiac Activities)பொழுது அதன் அமைவிடம் மாறாமலும் இதய அறைகள் (Cardiac Chambers)தேவைக்கு அதிகம் விரிவடையாமலும்(Excessive Dilatation) இந்த இதய உறை காக்கிறது.

3.மற்றப் பகுதிகளிலிருந்து நுண்கிருமிகள் (Microorganism)

மற்றும் புற்று நோய்களின் செல்கள் (Cancers)

இதயத்திற்கு வந்து பரவாமல் பாதுகாக்கிறது.

4.இரண்டு உறைகளுக்கு இடையேயுள்ள உறை திரவம் (Pericardial Fluid)

இதய இயக்கத்தின் பொழுது இயைவு திரவமாக (Lubricant Fluid)செயல்படுகிறது.

5.இதய உறைக்குள் உள்ள அழுத்தம் குறைந்த வெற்றிடம் (Vaccum)

ஒரு வலுவுள்ள விசையாகும். இவற்றில் ஏற்படும் தாழ்வழுத்தம் (Negative Pressure)

 இதய அறைகளில் ஏற்படும் அழுத்த வேறுபாடுகளையும் (Pressure Difference)அவற்றின் இயக்கங்களையும்(Activitiea) அதாவது இதய உறைகளுக்கு இடையே நிகழும் இரத்த ஓட்டத்தினையும்(Circulation

Among Cardiac Chambers ) இந்த தாழ்வழுத்தம் ஒழுங்கு படுத்துகிறது.

 பேராசிரியர் மரு.சி.கணேசன் எம்.டி.

02.இதய உறை கால்சியப் படிவு 

Pericardial Calcification.

இதய உறையில் (Pericardium)கால்சியம் படிவுகள் (Calcium Deposits)ஏற்பட இரண்டு முன் நிலைகள் உள்ளன. இதய உறையில் ஏற்கனவே ஏற்பட்ட காயங்களால் (Previous Injuries)விளைந்த அழற்சிதான் (Inflamamation) அந்த முன் நிலைகள் ஆகும்.

உறை அழற்சி ஏற்பட கீழ்கண்ட காரணங்கள் உள்ளன.

1.காக்ஸாக்ஸி வைரஸ் கிருமி தாக்கம் (Cox Sachie Virus) .

2.இன்புளுயன்ஸா எ  மற்றும்  பி  வைரஸ் (Influenza Virus)

3.காசநோய் (Tuberclosis)

4.ஹிஸ்டோபிளாஸ்மோஸிஸ் (Histoplasmosis)

5.காயங்களுக்குப் பிறகு ஏற்படும் இரத்த தேக்கம் (Hematoma)

6. ஸிஸ்ட்டமிக்  லூப்பஸ்  எரித்திமட்டோஸிஸ்  (Systemic L upus Erythematosis)

7.ரொமாட்டிக் இதய நோய்கள் (Rheumatic Fever)

8.இவற்றடன் இதய உறைக் கட்டிகளின் (Blood Clots)

மீதும் கால்சியம் படிவுகள் ஏற்படலாம்.

9.இதய உறையின் அழற்சியின் (Pericarditis)

ஒரு வகையில் இதயத்தின் உறையை சுருக்கமடைந்திடச் (Cosnstriction)

 செய்வதால் இது இறுக்க சுருக்க அழற்சி (Cosnstrictive Pericarditis)

 என்று அழைக்கப்படும். இந்த வகை உறை அழற்சி ஏற்பட்ட 50 சதவிகிதம் நோயாளியின் இதய உறையில் கால்சியம் படிவுகள் ஏற்படுவது கண்டறியப்பட்டுள்ளது.

பேராசிரியர் மரு.சி.கணேசன் எம்.டி.

03.பிலேட்டிலெட்    Platelets

மிகச்சிறிய உருவிலான இந்தச் இரத்தச் செல்களில் நியூக்ளியஸ் (Nucleus) என்னும் செல் கரு இருப்பதில்லை. இது அளவில் இரண்டிலிருந்து நான்கு மில்லி மைக்ரான்(Micron) வரையிலும் அமைந்திருக்கும். இரத்தச் செல்கள் உற்பத்தியாகும் எலும்புகளின் மஜ்ஜையில் (Bone Marrow) உள்ள மெகா கேரியோசைட் (Megakaryocytes) என்னும் செல்களின் சைட்டோபிளாசத்திலிருந்து (Cytoplasm) பிளாட்டிலெட் (Platelets) என்னும் திராம்போசைட்கள் (Thrombocytes) உற்பத்தியாகிறது.

     இந்த செல்களில் இரத்தம் உறைந்திடத் (Blood Clotting) தேவையான பல்வேறு வகையான உயிர் இரசாயன (Biochemicals) பொருட்கள் அமைந்துள்ளன. இரத்தக் குழாய்களிலிருந்து இரத்தம் கசிந்திடும் நிகழ்வினை இவ்வுயிர் இரசாயனங்கள் உரிய வழியில் செயல்பட்டு இரத்தக் கசிவைத் தடுத்திடுதல்  ஹீமோஸ்டேஸிஸ் (Hemostasis) என்று அழைக்கப்படும்.

     ஒரு கன மி.மீ இரத்தத்தில் இரண்டு லட்சம் முதல் மூன்று லட்சம் வரை பிளாட்டிலெட் செல்கள் இருந்திடும். பிளாட்டிலெட் உற்பத்தியாகும் (Production)வழிமுறைகள் பற்றி அதிகம் அறியப்படவில்லை என்றாலும் இரத்தத்தில் பிளாட்டிலெட் குறைந்திடும் நிகழ்வு(Low Platelet Levels) புதிய பிளாட்டிலெட் பிறப்பதற்கு முக்கிய தூண்டுதலாக இருப்பதாகக் கண்டறியப்பட்டுள்ளது.

     பிளாட்டிலெட் செல்களின் வாழ்நாள் சுமார் 8 முதல் 11 நாட்கள் மட்டும்தான் என்பது குறிப்பிடத்தக்கது. பயன்படுத்தப்படாத பிளாட்டிலெட் செல்கள் அதன் வாழ்நாள் முடிந்தபிறகு மண்ணீரலில் (Spleen)உள்ள மேக்ரோ பேஜஸ்(Macrophages) என்னும் செல்களால் அழிக்கப்படுகிறது.

தற்போது அதிகம் பேசப்படும் டெங்கு சுரத்தில் (Dengue Fever) ஏற்பட்ட எண்ணிக்ககையில் குறைந்து போகும் இந்த செல்கள்தான் இந்த நோயின் உயிராபத்தினை விளைவிக்கிறது என்பது குறிப்பிடத்தக்கது.

பேராசிரியர் மரு.சி.கணேசன் எம்.டி.

04.சிக்சைனஸ்நோடு சின்ட்ரோம்

(Sick  Sinus Syndrome)

ஒலிகளின் பல்வேறு தன்மைகள் (Character Of Sound) உரிய அளவில் உரிய கால இடைவெளியில்  ஒன்றிணைந்து(Joining)  மீண்டும் மீண்டும் ஒன்றிணைந்து (Rejoining) நல்ல இசையினைத் தருகிறது.

இந்த நல்ல ஒருங்கிணைப்பினைத் (Synchronisation) தந்திடும்  வகையிலான நிகழ்வு ஒலிகளின் ரிதம்(Phonetic Rhythm)  எனப்படும்.

அது போலவே வரிசையிலும் கால அளவிலும் மாற்றமில்லாது மீண்டும் மீண்டும் விளையும் எல்லா இயற்கை நிகழ்வுகளும் (Natural Evenets)  ரிதம் என்றே அழைக்கப்படலாம்.

இதயத்தின் இயக்கங்கள் (Cardiac Activiites) ஒன்றில் தொடங்கி அடுத்த நிகழ்வு அதற்கடுத்த நிகழ்வு என்று இறுதி நிலையினை அடைந்து மீண்டும் முதல் நிலையிலிருந்து தொடங்கி நடைபெறும் நிகழ்வுகள் கார்டியாக் ரிதம் (Cardiac Rhythm) என்று அழைக்கப்படும்.

நல்ல நிலையில் இதயம் இயங்கிக் கொண்டிருக்கிறது என்ற போது  இதயத்தின் இந்த ரிதம் சரியாக இயங்கிக் கொண்டிருக்கிறது என்று பொருளாகும்.

இதில் ஏற்படும் மாற்றங்கள் ஏ ரிதம் (A Rhythm) என்று அழைக்கப்படும்.

இந்த வகை எ ரிதம்கள் நோய்களாக(Disease)  வெளிப்படுவது  ஏ ரிதமியாக்கள் (Arhythmias) என்னும் பெயரில் அழைக்கப்படும்.

இதயத்தின் இயக்கங்களுக்குத் தேவையான மின் தூண்டல் (Electrical Stimulation)  உற்பத்தி செய்திடப்படும் (Production) முதல் நிலையில் தொடங்கி (First Stage) அது இதயத்தின் சுருக்கம் (Cardiac Contraction) மற்றும் விரிவாக (Cardiac Dilatation) முடிந்து மீண்டும் அடுத்த மின் தூண்டல் தொடங்கும் நிலைகளில் ஏற்படும் மாறுபாடுகள் ஒரு சிறப்பு வகை நோய்களாக ஏற்படும்.

இதுவே அரித்மியாக்கள்(Arhythmias)  என்று அழக்கப்படும்.

இதயத்தின் பல்வேறு நோய் நிலைகளில் (Disease States) நோய் பெற்றவர்களின் மரணத்தினையும்(Death)  அதன் வேகத்தினையும் (Speed Of Death) தீர்மானித்திடும் காரணிகளாக(Factors)  ஏதேனும் ஒரு அரித்மியாக்களே இருந்திடுகிறது.

 இந்த வகை நோய்களில் சிக்சைனஸ் சின்ட்ரோமும்(Sick Sinus Syndrome)  ஒன்று.

     இதயச்செயல்பாடுகளை துவக்கி இயக்கிடும் சைனஸ் நோடில்(Sinus Node)  ஏற்படும் பல்வேறு நோய்களையும் (Diseases) அதன் விiளைவுகளையும்(Manifestation)  குறித்திடும் ஒரு சொல் இதுவாகும்.

     இதில் கீழ்க்கண்ட உடலியக்க நிலைகள்(Physiological Stages)  காணப்படும்.

1.தேவையான சூழலுக்கு ஏற்ப (According to the Need) சைனஸ்நோடு தன் செயல் வேகத்தை உயர்த்தியும் (Increased Activites) தாழ்த்தியும் (Decreased Activitie) பணியாற்றிடும் நிலை மாறி  தேவைபட்டுக்கூட இதன் செயல் வேகம் உயராது  தாழ்ந்திருந்திடும்(Persists At The Low level Of Performance).

2.சைனஸ்நோடில் (Sinus Node) துவங்கிய மின்தூண்டல் (Electrical Stimulation) அதனை விட்டு வெளியேறி இதயத்தின் மற்ற பகுதிகளுக்கு பரவிடவேண்டும். இதற்கு மாறாக னைஸ்நோடில் துவங்கிய மின்தூண்டல் அந்நோடிலிருந்து மிக மெதுவாக வெளியேறும்(Slow Passage)  அல்லது எல்லா மின்தூண்டலும் வெளியேறாமல் (Not Passed) ஒருசில மின்தூண்டல் மட்டும் (Few Impulse) வெளியேறும்.

     இதே போன்ற கோளாறு சைனஸ்நோடிற்கு அடுத்த நிலையிலுள்ள ஏ  வி நோடிலும்(A V Node)  நடைபெறும். இந்தக்குறைபாடுகள் இரண்டு நோடிலும் சேர்ந்து (combine Defects)இருந்திடும். அல்லது ஏதாவது ஒரு நோடில் மட்டும் இந்த குறைபாடு இருந்திடும்.

3.சைனஸ்நோடில் துவங்கிய மின்தூண்டல் அதிலிருந்து  வெளியேறாமல் (Not Passed) அதனுள்ளேயே முற்றிலும் அழிந்துபோகலாம்(Abolished).

4.இந்த நோய்மையின் (Syndrome)  ஒரு விளைவாக ஒரு நேரத்தில் மிக வேகமான (Fast) (சீரான (Regular) அல்லது சீரற்ற(Irregular)) இதயத்துடிப்புகள் (Heart Beats) ஏற்படும். மற்றொரு நேரத்தில் இதயத் துடிப்புகள் மிக மெதுவாக (Slow) நடைபெறும். இந்த இரண்டு நிலையும் மாறி மாறி ஏற்படும்.

     மேற்குறிப்பிட்ட நான்கு நிலைகளும் (Four Stages) இந்நோய்மை பெற்ற ஒரு நோயாளிக்கு வெவ்வேறு காலங்களில் ஏதாவது ஒரு நிலை இருந்திடும் என்பது குறிப்பிடத்தக்கது.

     மேற்குறிப்பிட்ட குறைபாடுகள் ஏ.வி நோடின் (A V Node) மின் கடத்தல் தன்மை பாதிப்புடனும்(Defects Of Conduction)  தன் இயக்க பாதிப்புடனும் (Defects Of Automaticity) வெவ்வேறு அளவுகளில் இணைந்திருந்திடும்.

     இந்நோய் ஏற்படுவதற்கு காரணமான பல்வேறு வழிகள் கண்டறியப் பட்டுள்ளன.

1.நோய்மை பெற்றவரின் சைனஸ் நோடில் மட்டும்(Only in Sinus Node) குறைபாடுகள் (Defects) இருந்திடுவது.

2.சைனஸ்நோடின் இயக்கத்தை கட்டுப்படுத்திடும்(Sinus Node Controls)  தன் இயக்க நரம்பு மண்டலத்தின் (Autonomic Nervous System) செயல்பாடுகளில் ஏற்படும் குறைகள்(Defects).

3.சைனஸ்நோடின் குறைகளுடன் (Sinus Node Defects) தன் இயக்க நரம்புகளின் குறைபாடுகள்(Autonomic Nervous System Defects)  இணைந்திருத்தல்.

     மேற்குறிப்பிட்ட நிலைகளைச் சார்ந்து நோய்மை பெற்ற ஒருவரின் நோய்குறிகள் வெளிப்படும் என்பது குறிப்பிடத்தக்கது.

1.சைனஸ் நோடிலிருந்து மின்தூண்டல்கள் முற்றும் வெளியேறாமல் போனால்  நோய்மை பெற்றவருக்கு மயக்கமுறலாம்(Syncope).

2.இந்தவகை குறைபாடில் ஏட்ரியல் பிப்ரிலேசன்(Atrial Fibrilation)  என்னும் சிற்றறை இழைத்துடிப்புகள்  என்ற சீரற்ற இதய இயக்கம்(Irregular Cardiac Rhythm) விளைந்திடும்.

3.இது இத்துடன் முடியாது. ஏட்ரியல் பிப்ரிலேசன் விளைவால் சிற்றறைகளில் (Atrium) இரத்த ஓட்டம் தேங்கிட (Stagnation) நேரிடும். இதனால் இரத்தக்கட்டிகள் (Blood Clots) ஏற்பட நேரிடும். இந்தக் கட்டிகள் இரத்த ஓட்ட வழியில் பயனித்தால் (Pathways Of  Circulation) ஏதேனும் ஒரு உறுப்புகளின் இரத்தக் குழாயினை அடைத்து (Blockage Of Blood Vessels) இந்த உறுப்பினை முழுவதும் சிதைத்துவிடும்(Infarction).

     இது எம்பாலிசம் (Embolism) என்று அழைக்கப்படும்.

4. குழந்தைகளில்  இந்த நோய்மை (Syndrome) சில கருவளர் நோய்களிலும் (Congenital Diseases) பல இடைப்பெற்ற நோய்களிலும் (Acquired Diseases) தோன்றலாம் என்றாலும் இவை பெரும்பாலும் இதய நோய்களுக்காக அறுவை சிகிச்சை செய்த பிறகுதான்  (After Opreation) தோன்றுகிறது என்பது பல ஆய்வுகளின் முடிவாகும்.

5.சில குடும்பத்தில் (Families) பலருக்கு இந்த நோய்மை ஏற்படுவதாகக் கண்டறியப்பட்டுள்ளது.

6.இருப்பினும் இந்த நோய்மை எந்தவித காரணமின்றியும்(Idiopathic)  ஏற்படக்கூடும் என்பது நினைவிற்கொள்ளத்தக்கது.

7.இந்த நோய்மையின் நோய்குறிகள் இடைவிட்டுத் தோன்றும்(Intermittent)  என்பதோடு அவை வெளிப்படும் காலத்தை முன்பே கணித்திடுதல்(Predicting)  இயலாது என்பது குறிப்பிடத்தக்கது. 

8. நோயின் வெளிப்பாடும்(Manifestation)  அதன் வளர் நிலையும்(Stages)  இந்நோய்மை ஏற்படக்காரணமான முதன்மை நோயின் தன்மையைப் பொருத்தும் இருந்திடும்.

9.இந்நோய்மை ஏற்பட்டவர்கள் அதினமான உடல் உழைப்பு (Exertion) செய்திட்டால் அது இதயத்தின் வேகத்தை குறைத்திடும்(Reduction Of Heart Rate). வேகஸ் (Vagus)  என்னும் நரம்புகளின் (Nerves) வலு (Stength) அதிகரித்திடும். இதனால் இதயத்தின் துடிப்பு வேகம் குறைந்து(Heart Rate Decrease)  ஒரு நிலையில் நோயாளி மயக்கமுறலாம்(Syncope).

     இந்நோய்மை ஏற்பட சைனஸ்நோடில்(Sinus Noe)  கீழ்க்கண்ட  உறுவியல் (Anatomical Changes) மாற்றங்கள் விவரிக்கப்பட்டுள்ளன.

1.சைனஸ்நோடு முழுமையாகவும் (Sinus Node) அல்லது பெருமளவு சிதைக்கப்பட்டிருக்கலாம்(Destroyed).

2.சைனஸ்நோடிற்கும் அது அமைந்துள்ள சிற்றறை தசைகளுக்கும் (Atrial Muscles) தொடர்பில்லாமல் (Non Communication) அமைந்திருத்தல்.

3.iசைனஸ்நோடினைச் சுற்றி அமைந்துள்ள நரம்புகளில் (Nerves) அழற்சி (Inflammation) மற்றும் உறுத்தேய்வு(Degeneration)  நிலைகள்

4.சைனஸ்நோடு அமைந்துள்ள சிற்றறை சுவரில்(Atrial Walls)  சில நோயுறு மாற்றங்கள்().

5.சைனஸ்நோடிலும் (Sinus Nodes) ஏ.வி.நோடிலும் (A V Nodes) வன்இழை மிகுதியும் (Fibrosis)  வன்சுருக்க வளர்தேய்வு (Fibrotic Degeneration) நிலையும் இருந்திடும்.

6.இறுதியாகவும் முக்கியமாகவும் சைளஸ்நோடிற்கு இரத்தம் வழங்கிடும் சைனஸ்நோடு இரத்தக்குழாய்(Sinus Node Blood Vessels)  அடைபட்டிருக்கலாம்(Blockage).

பேராசிரியர் மரு.சி.கணேசன் எம்.டி.

05.சைனஸ் வினோஸிஸ் Sinus Venosis.

கருவில் (Embryo) இதயம் வளரும் (Cardiogenesis) பொழுது அவை இரத்த குழாய்களை (Blood Vessels) வழங்கிடும் ஆஞ்சியோபிளாஸ்டி (Angioplasty) என்னும்  செல்களின் தொகுப்புடன் தொடங்கி பல்வேறு நிலைகளைக் கடந்து குழாய்களாகவும்(Vessels)  அறைகளாகவும்(Chambers)  உருமாறி இறுதியில் முழுமையாக இதயத்தையும்(Heart)  அதன் இரத்தக் குழாய்களையும் (Blood Vessels) வடிவடைந்துடும். இவ்வளர்ச்சியின் பொழுது கருவின் உடல் பகுதியிலிருந்து இரத்தத்தைக் கொண்டுவரும் பல்வேறு குறுஞ்சிரைகள் (Venules) அனைத்தும்  இணைந்து சைனஸ் வினோஸிஸ்(Sinus Venosis)  என்னும் பெரும் சிரையாக வடிவெடுக்கும்.

     இதயம் முழுமையாக வளரும் நிலையில்(Complete Development)  சைனஸ் வினோஸின் அறை பல மாற்றங்களை (Changes) அடைந்து வலது சிற்றறையின் ஒரு பகுதியாக(Part Of Right Atrium)  அமையும்.

பேராசிரியர் மரு.சி.கணேசன் எம்.டி.

06.ஊண்வெறுப்பு நோய்(Anorexia Nervosa).

      இந்நோய் பெரும்பாலும் இளம் பெண்களிடையே (Young Women) காணப்படுகிறது.அதுவும் நடுத்தர பொருளாதார(Middle class)நிலையில் உள்ள பெண்களே அதிகம் பாதிக்கப்படுகிறார்கள்.

      நம்மில் ஒவ்வொருவருக்கும் ஒருவாழும் குறிக்கோள்(Drive) இருப்பதுபோன்று இந்நோய் உள்ளவர்களுக்கும் உடலை ஒல்லியாக வைத்துக்கொள்வதே(To Be Lean) முக்கிய வாழும் குறிக்கோளாக இருந்திடும்.

      அவர்களின் எல்லா சிந்தனையும்(Thinking ) செயல்களும் (Activities) இந்த குறிக்கோளைச் சுற்றியே அமையும்.

       பொதுவாக பசி ஏற்படும் உணர்வானது (Appetite)பல்வேறு உடல் மாற்றங்களைக் (Bodily Changes) கடந்தே வருகிறது.

        இந்நோயில் பசி ஏற்படுவதன் எல்லா நிலைகளும் (Stages)அவற்றின் உயிரியல் மாற்றங்களும் (Biological Changes)(உடலில்)ஏற்படாமல் போகும்.மற்றவர்கள் வற்புறுத்தினாலும் (Compelling)அவர்கள் உண்ணுவதில்லை

         எடை வெகுவாக குறைந்து விடும் (Severe Loss Of Weight) மலச்சிக்கல் (Constipation) ஏற்படும். நாடிதுடிப்பு (Pulse Rate)விகிதம் குறைவாக இருந்திடும்.

        உடலில் பிறந்த குழந்தைகளில் காணப்படுவது போன்ற மென்முடிகள் (Soft Hairs) கைகளிலும்(Arms) கால்களிலும்(Legs)நடு உடல்(Trunk)பகுதியிலும் ஏற்படும்.

       இந்நோயாளிகள் எப்போதாவது உணவை உண்டாலும் பிறகு ரகசியமாக வாந்தி (Vomiting)எடுப்பார்கள் அல்லது வாந்தி தரும் மருந்துகளை (Emetics) உட்க்கொள்வார்கள் இவர்களின் கைகள் குளிர்ந்தும் (Cold) சற்று நீலம் செரிந்தும் (Cyanotic) காணப்படும் மாதவிலக்கும் (Menstruation) நீன்று போகலாம் இவ்வளவு பாதிக்கப்பட்ட நிலைகளுக்குப் பிறகும் நோயாளி சோர்வடையாமல் (With out Tirdness) சுறுசுறுப்புடன் (Brisk) இருப்பார்கள் என்பது இதன் சிறப்பு. இந்த தன்மை இந்த நோயினை மற்ற நோயிலிருந்து பிரித்து அறிந்திட உதவுகிறது.  சில வேளைகளில் நோயாளிகள் டிப்ரஸன் எனப்படும் (Depression) மனநிலையினை அடைவார்கள்.

         அனோரெக்ஸியா நர்வோசா என்பது மன இருக்க நோயின் மறு துருவமாகும்.(Opposite Poles)இந்நோய் உரிய முறையில் சிகிச்சை செய்யப்பட்டால் (Appropriate Treatment)முழுமையாக குணமடையும்.      

 பேராசிரியர் மரு.சி.கணேசன் எம்.டி.

07.பலூன் வால்வுலோ பிளாஸ்டி Balloon Valvuloplasty.

சுருக்கமடைந்து  (Narrowed) அடைபட்ட (Obstructed) இதய வால்வினை (Heart Valves) அறுவை சிகிச்சை (Surgical Treatment) செய்து நோயினைச் சீர்செய்திடலாம்.

அறுவை சிகிச்சை பெற்றிடும் வாய்ப்பு (Chances Of Treatment) எல்லா நோயளர்களுக்கம் உள்ளது என்று சொல்வதற்கில்லை. பொருளாதாரம் (Ecconomy) நோயாளியின் வேறுநோய்கள் (Other Diseases) போன்ற பல நிலைகள் அதற்குக் காரணமாக அமைந்திடுவதோடு பெரும் ஆபத்தான சிகிச்சை முறையினை (Risky Sugeries) தவிர்த்திடுவதும் (Avoidance) மனிதர்களின் விருப்பமாகவும் இருந்திடுதல் ஒன்றும் வியப்பில்லைதான்.

இந்நிகைளை வெல்லும் பொருட்டு பலூன் வால்விலோ பிளாஸ்டி(Balloon Valvuloplasty)  என்னும் அறுவைமுறை இதய நோயாளிகளுக்கு பெரும்வரமாக வந்தமைந்திட்டது என்றால் இது மிகையன்று.

பல்வேறு நோய்களால் இதயத்தின் ஒரு வால்வு சுருக்கமடைந்திடுவதோடு(Narrowed)  அதன்வழியே ஓடும் இரத்த ஓட்டத்தின் அளவினையும் குறைத்திடும் விளைவு வால்வின் இரண்டு பக்கமும் அழுத்த வேறுபாடுகள் (Pressure Gradients) நிலவிடும்.

வால்வின் சுருக்கத்தின் அளவைப் பொருத்து வால்வின் இரண்டு பக்கத்திலும் நிகழும் அழுத்த வேறுபாடுகள் (Pressures Gradients) அதிகமாகவோ குறைவாகவோ காணப்படும்.

வால்வு சுருக்கத்தின் விளைவுகளை வேறு திசைக்கு எடுத்துச் சென்று பல்வேறு பாதிப்புகளை ஏற்படுத்திடுவது இந்த வால்வூடு அழுத்த (Transvalvular Pressure Gradients) விகிதம்தான்.

வால்வின் இரத்த ஓட்டப் பாதையில் வால்வின் அளவில் (Valve Size) ஏற்படும் சிறிய குறைவு (Reduction) பலமடங்கு அழுத்த உயர்வில் (Pressure Rise) முடிந்திடும்.

அதாவது வால்வில் சிறிய அளவு சுருக்கம் விரிக்கப்பட்டால் (Dilatation) அழுத்தம் பலமடங்கு குறைந்திடும் (Drastic Reduction) என்பது இதன் மறுபொருள்.

இதனை அடைந்திடவே பலூன் வால்வுலோ பிளாஸ்டி என்னும் அறுவை சிகிச்சை மேற்கொள்ளப்படுகிறது.

இதற்காக பலூன் போன்ற அமைப்பாக (Structure) வடிவமைக்கப்பட்ட இந்த இயந்திரத்தை (Machine)  சுருக்கமடைந்த வால்வின் நடுவில் (Middle Of The Narrowed Valve) உள்ளேற்றப்படும்.

பிறகு மெல்ல மெல்ல இந்த பலூனில் காற்றேற்றம் செய்யப்படும்.

இந்த உயர்வழுத்தம் சுருக்கமடைந்திட்ட வால்வுத் திசுக்களை நெருக்கி அழுத்தி வால்வின் உள் அளவினைப் (Lumen) படிப்படியாக வரிவடைந்திடச்செய்திடும்.

பொதுவாக இது போன்று  நோய் பெற்று சுருக்கமடைந்திட்ட வால்வில் கால்சியம் (Calcium) படிவுகளும் ஏற்பட்டிருக்கும்.

இந்த பலூன் வால்வு சீரமைப்புச் சிகிச்சையின் (Valve Repair) போது இந்தக் கால்சியம் படிவுகள்  கணிசமான அளவு நொறுக்கப்பட்டு (Crushing) வால்வில் இருந்து நீக்கப்படும்.

இதனால் வால்வின் உள் அளவு (Lumen) வரிவடையும்.

இந்த முறையில் வால்வின் உள் அளவில் ஏற்படுத்தப்பட்ட மிகச்சிறிய அளவு விரிவு (Small Dilatation) என்பது நோயாளியின் உடல் பாதிப்புகளை (Manifestation) வெகுவாக்குறைத்திடும் என்பது உறுதி.

உதாரணமாக நல்ல நிலையில் உள்ள ஈரிதழ் வால்வின் உள் அளவு 4 முதல் 6 சதுர செ.மீ. என்று இருக்கும்.

நோய் பெற்ற பிறகு அது அதிக பட்ச மாக 0.8 சதுர செ.மீ ஆகக்கூட குறைந்திடக்கூடும்.

இந்த பலூன் வால்வு சீரமைப்பிற்குப் பிறகு,  0.9 சதுர செ.மீ என்ற சிறிய அளவு விரிவடையச்செய்யப்பட்ட வால்வின் உள் அளவு அதாவது குறுக்கமடைந்த வால்வின் உள் துவாரத்தில் 1 மில்லி மீட்டர் அளவு விரிவு   கூட ,நோயாளியின் மூச்சுத்தினரல் (Dyspnea) போன்ற இதய நோய்க்குறிகளை வெகுவாகக் குறைத்திடும் என்பது நமக்கு மகிழ்வான வியப்பாகும்.

பேராசிரியர் மரு.சி.கணேசன் எம்.டி.

08.ஹீமோகுளோபின் Haemoglobin

   நுரையீரலில் (Lungs) வழங்கப்படும் ஆக்ஸிஜனை (Oxygen) தன்னுடன் இணைத்து இரத்த ஓட்டத்தில் கடத்தி திசுக்களுக்கு(Tissues)  ஆக்ஸிஜனை பிரித்து வழங்கிடும் அற்புதமான பணியை இரத்தத்தில் உள்ள சிவப்பு அணுக்களில் (Red Blood cells) அமைந்துள்ள ஒரு உயிர் ரசாயாணப்பொருள் செய்து முடிக்கிறது.

    இரத்தத்திற்கு சிவப்பு நிறத்தை (Red Color ) அளித்திடும் இந்த உயிர் ரசாயாணப்பொருள் ஹீம் (Haem) என்னும் இரும்பு (Iron) பொருளும் குளோபின்(Globin)  என்னும் நிறப்பொருளாளும் Pigments) ஆனது.

    ஹீமோகுளோபின் என்னும் ரசாயாணத்தை உற்பத்தி செய்து இரத்தசெல்களில் அமைந்திட பல்வேறு படிகளிலான (Stages) வேதியல் மாற்றங்கள் (BioChemicals) பல்வேறு  ரசாயாணப் பொருள்களைக் கொண்டு நடைபெறவேண்டும். இந்நிலைகளில் ஏற்படும் குறைபாடுகள்(Defects)  சிவப்பணுக்களில் அமைந்துள்ள ஹீமோகுளோபினின் அளவையும் அதன் செயன்மையும் மாற்றம் அடையச்செய்வதால் திசுக்களுக்கு ஆக்ஸிஜன் வழங்கப்படுவதும் குறைவுப்படும்.

     ஹீமோகுளோபின் சிவப்பு அணுக்களில் அமைந்து இருப்பதால் சிவப்பணுக்கள் ஆயள் முடிந்து (End Of Life) சிதைவுறும் பொழுது ஹீமோகுளோபினும் (Haemoglobin)சிதைந்து தனிப்பொருளாக பிரிந்து மீண்டும் ஹீமோகுளோபினின் மறு உற்பத்தியில் (Resynthesis) பங்கெடுத்துக்கொள்கிறது.

      அதிகமான அளவு ஹீமோகுளோபின் சிதைவு (Destruction OF Haemoglobin) ஏற்படும் பொழுது  மஞ்சள்காமாலை (Jaundice) ஏற்படுகிறது என்பது நமக்கு சற்று வியப்பாக இருந்திடலாம்.( மஞ்சள்காமாலை ஏற்படும் பல காரணங்களில் இதுவும் ஒன்று).

பேராசிரியர் மரு.சி.கணேசன் எம்.டி.

09.ஸ்பிக்மோ மோனோமீட்டர் Sphigmomonometer.

சிகிச்சை மருத்துவத்தில் (Therapeutic Medicine) அன்றாட நடைமுறையான ஸ்பிக்மோ மோனோமீட்டர் (Sphigmomonometer) என்னும் எந்திரம் நோயாளியின்  தமனி அழுத்தத்தை(Arterial Pressures)  கண்டறிந்திட உதவுகிறது. இதில் காற்றேற்றம் (Inflated) செய்திட இரப்பர் பையும் (Rubber Bags) அவற்றுடன் இணைந்த குழாய்(Rubber Tube)  மெர்க்குரி கொள்கலத்துடனும் (Mercury Chamers) இணைக்கப்பட்டிருக்கும். கைகளை சுற்றி இரப்பர் பையை அமைத்து இப்பையில் காற்றேற்றம் செய்யும்பொழுது அழுத்தம் உயர்ந்து (Pressure Rise) மெர்க்குரியின் அளவு மட்ட அளவீடு (Calibration) செய்யப்பட்ட குழாயில் உயர்ந்திடும்.

இவ்வாறு இரப்பர் பையில் காற்றேற்றம் செய்து நாடித்துடிப்பு (Pulse) மறைந்த (Disappearance)பிறகு லேசாகவும் படிப்படியாகவும் (Step By Step) காற்றை வெளியேற்றினால் நாடித்துடிப்பு தோன்றும்(Appearance)  இடம் சிஸ்டாலிக் அழுத்தமாகவும் (Systolic Pressure) தொடர்ந்து நாடித்துடிப்பு மறையும் இடம் (Disappearence)  டயஸ்டாலிக் (Diastolic) மெர்க்குரி அளவாக ஓரு நிலையில்  குழாயில் தோன்றும் இவற்றைக் கொண்டு டயஸ்டாலிக் இரத்த அழுத்தத்தை(Diastolic Pressues)  அளந்திடலாம்.

பொதுவாக இரத்த அழுத்தம் (Blood Pressure)என்பது இதயம் (Heart)நரையீரல் (Lungs)மற்றும் இரத்த ஓட்ட மண்டலத்தில்(Circulatory System) செயல்படும் ஒரு அற்புதமான விசையாகும்(Force).

இந்த மண்டலத்தின் அனைத்துப்பணிகளையும் இயக்கிடத் தேவைப்படும்  விசையான  அழுத்தத்தினை (Pressure)இதயத்தின் பெருவறைகள் (Ventricles) சுருக்கமடைந்து (Contracting) உற்பத்தி செய்கிறது.

அதன் பிறகு இந்த  அழுத்தம் இந்த மண்டலத்தின் மற்ற பணிகளைக்கவனித்துக் கொள்கிறது.

இரத்த அழுத்தம் சிஸ்டாலிக் (Systolic Pressure) மற்றும் டயஸ்ட்டாலிக் அழுத்தம் (Diastolic Pressure)என்று இரண்டு வகையாக உள்ளன.

இதயம் சுருக்கமடைந்திட்ட நிலையில் (Contracting Stage) இரத்தக்குழாய்களில் பதிவு செய்திடப்படும் அழுத்தம் சிஸ்டாலிக் அழுத்தம் எனப்படும்.

இதயம் சுருக்கமடைந்து பிறகு வரிவடைந்திருக்கும் நிலையில் (Stage Of Dilatation) இரத்தக்குழாய்களில் பதிவு செய்திடப்படும் அழுத்தம்  டயஸ்ட்டாலிக் அழுத்தம் (Diastolic Pressure)எனப்படும்.

சிஸ்ட்டாலிக் அழுத்தம் 120 மிமீ மெர்க்குரி என்றும் டயஸ்ட்டாலிக் அழுத்தம் 80 மிமீ மெர்க்குரி  என்றும் அளவிடப்படுகிறது.

ஆனாலும் இதன் உண்மையாள அளவு வேறுபட்டதாக இருந்திடும்.

வளிமண்டலத்தின் அழுத்தம் (Atmospheric Pressue)760 மிமீ மெர்க்குரி என்று இருக்கும் என்பதை நாம் அறிவோம்.

இதே அளவு அழுத்தம் உலகத்தில் நாம் வாழும் தள மட்டத்தின் (Living Levels)அனைத்துப்பகுதிகளிலும் இருந்திடுமாகையால் இந்த அளவு 0 (Zero)என்றே கொள்ளப்படும்.

ஆக நேரடியான அறிவியல் பார்வையில் நமது சிஸ்ட்டாலிக் அழுத்தம் (Systolic Pressure ) என்பது உண்மையில் 760 + 120 மிமீ மெர்க்குரி என்றுதான் பொருளாகும்.

அதாவது 0 என்று கொள்ளப்பட்ட வளி மண்டல அழுத்தமான 760 மி மீ க்கு மேல் உடலின் இரத்த அழுத்தம் 120 மிமீ ஆக இருக்கிறது என்று பொருளாகும்

அதுபோலவே நமது டயஸ்ட்டாலிக் அழுத்தம் (Distolic Pressure)என்பது உண்மையில் 760 + 80 மிமீ மெர்க்குரி என்றுதான் பொருளாகும்.

பேராசிரியர் மரு.சி.கணேசன் எம்.டி.

10. வேரிக்கோஸ் வெயின் Varicose Veins.

இரத்த ஓட்ட மண்டலத்தில்(Circulatory System)  தமனிகளும்(Arteries)  சிரைகளும் (Veins) அமைந்திருக்கின்றன. தமனிக்குழாயின் சுவர் (Arterial Walls) அதிக வலுவுள்ளதாகவும் (Stronger)இருப்பதுடன் அவற்றால் வேண்டியபொழுது கடுமையாக சுருங்கி அழுத்தத்தை உயர்த்திட(Rise Of Pressure)  இயலும்;.

மாற்றாக சிரை குழாய்களின் சுவர்கள்  (Venous Walls) தமனியை விட வலு குறைந்தும் (Less Stronger) எளிதில் விரிவடையும் (Easily Distensible) தன்மைக் கொண்டதாகவும் இருந்திடும். கால்களில் உள்ள இரத்தமும் சிரை குழாய்களில் (Leg Veins )இரத்தமும் அதன் இரத்த ஓட்டமும் (Blood Circulation) புவிஈர்ப்பு விசையை எதிர்த்து(Against Gravity)  மேல் நோக்கி ஏற (Upwards) வேண்டி இருப்பதால் சிரைகளின் இரத்த ஓட்டத்தை மேற்திசைபடுத்த சிரைகளில்  பரவலாக வால்வு அமைப்புகள் (Valves) அமைந்துள்ளன. சிரை குழாய்களின் வால்வுகளில்  (Valves) ஏற்படும் மாற்றத்தின் விளைவாக  அது செயலற்றுப் பேகும் போது சிரைகளில் இரத்த ஓட்டம் தேங்கி (Stagnent) இருந்திடும். அதனால் சிரைக்குழாய்களில் அழுத்தம் அதிகமாகி(Rise Of Venous Pressure)  இதன் விளைவாக சிரைக் குழாய்கள்  நீண்டு(Elangated), வளைந்து(Tortous), சுருண்டு (Coiled),இருக்கக்காணலாம்.இவை பெருமளவு கால்களில் வெளிச்சிரைகளில்(Superficial Veins)  காணப்படும்.

வால்வு கோளாறுகளுடன் (Valve defects) எடை மிகுதியும் (Obesity) கருவுறுதலும்(Pregnent)  அதில் இரத்தக் கொள்ளளவு (Blood Volume) அதிகரித்திடுவதால் , நீண்ட நேரம் நிற்கும்படியான பணிகளைச்(Prolonged Standing)  செய்து கோண்டு  இருப்பவர்களிடமும்  இந்நோய் ஏற்பட முதன்மைக் காரணம் ஆகும்.

பேராசிரியர் மரு.சி.கணேசன் எம்.டி.

11.ரொமட்டாய்டு ஆர்த்ரைட்டிஸ்.

Rheumatiod Arthritis.

         மூட்டுக்களில் (Joints) அமைந்துள்ள லிகமன்ட்(Ligaments)  மற்றும் மூட்டு உறை (Synovium) போன்றவைகளின் செல்களிலும் (Cells) இழைகளிலும் (fibres) ஏற்படும் மாற்றங்கள் அந்த மூட்டின் அழற்சியை (Inflammation) உண்டாக்கிடும். இவ்வகையில் ரொமட்டாய்டு ஆர்த்ரைட்டிஸ்

 (Rheumatiod Arthritis) எனப்படும் மூட்டு அழற்சி  நோய் மணிக்கட்டு மூட்டிலும்(Wrist Joints)  கனுக்கால் மூட்டிலும்(Ankle Joints), கைவிரல் மூட்டிலும்(Inter Phalangial Joins), கால்விரல் மூட்டிலும்(Meta Tarsal Joints),வலியும் வீக்கமும்(Pain And Swelling)  ஏற்படும். இவற்றின் விளைவாக எலும்புகளிலும் தேய்வும்(Osteoporosis)   குருத்தெழும்பின் இழப்பும் (Loss Of Cartilage) ஏற்படும்.

        இவைகளின் விளைவாக பல்வேறு வகையான மாற்றங்களை மூட்டுகளில் மட்டுமல்லாது இதயம்(Heart)  நுரையீரல் (Lungs) போன்ற பகுதிகளிலும் ஏற்படும். இந்நோயின் விளைவுகள் பல்வேறுப்பட்ட வகையாக இருந்திட்டாலும் பெரும்பாலோரில் இந்நோய் பாதிக்கப்பட்ட நோயாளிகளை முடக்கமடையச்(Crippled)  செய்திடுகிறது. இதற்கான பல்வேறு மருந்துகள் விவரிக்கப்பட்டிருந்தாலும்  அவைகள் முழமையாக பயனளிப்பதில்லை (Not Much Useful) என்பது குறிப்பிடத்தக்கது.

பேராசிரியர் மரு.சி.கணேசன் எம்.டி.

12.ஈரிதழ் வால்வு மீள் சுருக்கம் Mitral Restenosis.

     ஈரிதழ் வால்வு சுருக்கத்திற்கு (Mitral Valve Stenosis) முழுமையான சிகிச்சை தேவை என்றால் அது அறுவை சிகிச்சைதான்(Surgical Treatment). ஆனாலும்      ஈரிதழ் வால்வு சுருக்கத்திற்காக அறுவை சிகிச்சை செய்யப்பட்ட பிறகு (After Operation) அதே வால்வில் மீண்டும் பழைய அளவில்  சுருக்கம் (Narrowing) ஏற்படலாம். இது மைட்ரல் ரீ ஸ்டினோசிஸ் (Mitral Restenosis) என்று அழைக்கப்படுகிறது.

     இவற்றிற்காக மூன்று நிலைகள் உறுதிப் படுத்தப்பட வேண்டும்.

1.    அறுவை சிகிச்சைக்கு முன்பு (Before Surgeries) ஈரிதழ் வால்வு சுருக்கம் (Mitral Valve Stenosis)அடைந்திருக்க வேண்டும்.

2.    அறுவை செய்த பிறகு(After Surgery) வால்வின் உள் அளவில்(Lumen) (அறுவை சிகிச்சைக்கு  முன்பைவிட) பெருக்கமடைந்திருக்க (Increased In Size)வேண்டும்.

3.    அதன் பிறகு சில காலம் கழித்து மறுபடியும் வால்வின் உள் அளவில் குறுக்கமடைந்திருக்க (Narrowing) வேண்டும்.

மேற்கண்ட மூன்று நிலைகளும் உரிய பரிசோதனைகளில் (Investigation) நிரூபிக்கப்பட்டிருக்க வேண்டும்.

மாற்றாக, பெரும்பாலான  நமது சிகிச்சைச் சூழ்நிலையில் பரிசோதனை (Investigation) செய்வதைவிட உடல் சோதனையிலேயே (Physical Examination) மைட்ரல் ரீ ஸ்டினோசிஸ் நோய் கண்டறியப்படுகிறது என்பது நடைமுறை

. ஈரிதழ் வால்வு மீள் சுருக்க நிகழ்வு (Incidence Of Mitral  Restenosis)

வால்வு அறுவை சிகிச்சை செய்யப்பட்ட சுமார் 2 சதவிகிதம் முதல் 60 சதவிகிதம் வரை ஏற்படுவதாக அறியப்பட்டுள்ளது.

இவர்களில் 10 சதவிகிதம் பேருக்கு முதல் அறுவை சிகிச்சை(First  Surgery) முடிந்த 5 ஆண்டுகளில் மறு அறுவை சிகிச்சை தேவைப்படுகிறது. அறுவை சிகிச்சை முடிந்து பத்து ஆண்டுகளுக்குப் பிறகு 60 சதவிகிதம் பேருக்கு மறு அறுவை சிகிச்சை தேவைப்படுகிறது.

மேற்கண்ட புள்ளியியல் தகவல்கள் (Statistical Information) ஈரிதழ் வால்வு மீள் சுருக்கத்தின்  நிகழ்வை (Incidence) நமக்கு விளக்கும்.

     ஈரிதழ் வால்வு மீள் சுருக்கத்திற்கு அறுவை சிகிச்சை செய்த பிறகு வரும் நோய்க்குறிகள் கீழ்க்கண்ட நிலையை குறித்திடலாம்.

1.    முதன் முறை அறுவை சிகிச்சை செய்யும் பொழுதே (First Surgery)வால்வு சுருக்கம் முழமையாக சரி செய்யப்படாமல் (Incomplete)வால்வு சுருக்கம் சிறிதளவு இருந்திடுதல்.

2.    அறுவை சிகிச்சையின் போது செய்யப்படும் சிகிச்சை முறையில் வால்வு துவாரம் (More Widening) சற்றே அதிகரித்திடும். அல்லது அறுவை சிகிச்சை முடிந்த பிறகு வால்வு திசுக்களில் கிருமிகளின் தாக்கம் (Infections) ஏற்பட்டு திசுக்கள் சிதைந்து (Damaged) வால்வு துவாரம் விரிவடையும்(Dilated).

3.    ஈரிதழ் வால்வு சுருக்கத்திற்கு காரணமான நோய் மகாதமனி வால்வினையும் (Aortic Valve)பாதித்திருக்கலாம். ஆனால் அவை வெளிப்படாமல் (Asymptomatic)இருந்து ஈரிதழ் வால்வு அறுவை சிகிச்சைக்குப் பிறகு வளர்ந்து வெளிப்படலாம்.

4.    அறுவை சிகிச்சை செய்யப்பட்ட பிறகு(After Surgery) வால்வு நோயினைத் தவிர்த்து இன்டஸ்ட்ரியல் லங் டிஸ்ஸிஸ் (Interstitial Lung Disease) அல்லது பல்மனரி பைப்ரோஸிஸ் (Pulmonary fibrosis), கிரானிக் அப்ஸ்ஸட்ரக்டிவ் பல்மனரி டிஸ்ஸிஸ் (Chronic Obstructive Pulmonary Disease) (C O P D) போன்ற நோய்களினால் நோய்க்குறிகள் ஏற்பட்டிருக்கலாம்.

நுரையீரலின் (Lungs) மிகமுக்கியமான தன்மைகள் அதன் சுருங்கி விரியும் தன்மையாகும்(Elasticity).

பல்வேறு நோய்கள் நுரையீரலில் அதிமான அளவிற்கு கொலாஜன் (Collagen) என்னும் இழைகளை (Fibers) ஏற்படுத்திடும்.

இதனால் நுரையீரலின் விரியும் தன்னமை வெகுவாகப் பாதிக்கப்படும்.

இது இன்டஸ்ட்ரியல் லங் டிஸ்ஸிஸ் (Interstitial Lung Disease) அல்லது பல்மனரி பைப்ரோஸிஸ் (Pulmonary fibrosis) எனப்படும் நுரையிரல் செல்லிடைத்திசு இழைமிகுதி  நோயாகும்.

நுரையீரல் வேன்டிய அளவு விரிவடைந்திடாமல் போனால் வேன்டிய அளவு வெளிக்காற்று நுரையீரலுக்கு வருவதில்லை.

வேறு சில நோய்கள் நுரையீரலை அளவுக்கு அதிமான அளவில் விரிவடைந்த நிலையில் (Over Distended State)வைத்திடும்.

இவ்வகை நோய்கள் COPD என்று அழைக்கப்படும் கிரானிக் அப்ஸ்ஸட்ரக்டிவ் பல்மனரி டிஸ்ஸிஸ் (Chronic Obstructive Pulmonary Disease)எனப்படும்.

இதனாலும் வெளிக்காற்று நுரையீரலுக்கு வருவது குறைவு படும்.

இந்த இரண்டு நோய் நிலைகளிலும் நுரையீரலின் வாயுமாற்றம் (Gas Exchange)குறைவு படுவதால் மூச்சுத்தினரல் (Dyspnea)ஏற்படும்.

வேறு ஒரு ஆய்வில் ஈரிதழ் வால்வு சுருக்கத்திற்கு (Mitral Valve Stenosis) அறுவை சிகிச்சை செய்த பிறகு 14 ஆண்டுகள் வரை வால்வின் துவாரத்தில் எவ்வித குறைவும் நிகழவில்லை என்று கண்டறியப்பட்டுள்ளது.

பொதுவாக ஈரிதழ் வால்வு சுருக்க நோயில்(mitral Valve Stenosis)  இடது சிற்றறையில் (left Atrium) உயரும் அழுத்தம்(Pressure Rise)  பின்நோக்கிப்பாய்ந்து (Reflected Back) நுரையீரல் மண்டலத்திலும் (Pulmonary System) அதன் இரத்த  குழாய்களிலும்  (Blood Vessels) அழுத்த உயர்வினைத்தருகிறது(Rise Of Pressure).

இது சுவாச உயர் அழுத்தம் (Pulmonary Hypertension) எனப்படும்.

     சரியன நோயாளிகள் தேர்வு (Right Selection ) செய்யப்பட்டு அறுவை சிகிச்சை செய்யப்பட்டால், வால்வு துவாரத்தை அதிகப்படுத்துதல் எந்த வித பின் விளைவுகளும் (Post Effects ) இல்லாது போவதைச் சாத்தியமாக்குகின்றன என்பதோடு, ஈரிதழ் வால்வு சுருக்கத்தின் நோய் விளைவை தடுத்து, நோயின் வளர்ச்சியை கட்டுபடுத்துகிறது. இவற்றின் ஒரு விளைவாக சுவாச தமனியின் அழுத்தம்() வேகமாக குறைகிறது.

     பத்திலிருந்து 14 ஆண்டுகளுக்குப் பிறகு மறு அறுவை சிகிச்சை செய்திடப்படும் வேளையில் வால்வின் அமைப்பு (Valve Structure) பெருமளவு பாதிக்கப்படும். வால்வு திசுக்களில் (Valve Tissues) கால்சியம் படிவுகள் (Calcium) அதிகம் படிந்திருப்பதால் வால்வின் அமைப்பு சீரமைக்க முடியாத அளவிற்கு(Beyond Repair)  பாதிக்கப்பட்டிருக்கும். இவ்வேளைகளில் வால்வு மாற்றம்(Valve Replacement)  தேவைப்படுகிறது.

பொதுவாக ஈரிதழ் வால்வின் அடிப்பகுதிகளை (Base Of The Valve)இணைத்திடும் வகையில் கமிஸர்ஸ் (Valve Commisures)எனப்படும் இணைப்பு அமைப்பு (Junture)அமைந்துள்ளது.

     மேலும், வால்வு இதழ் இணைவில்(Valve Commisures)  கால்சியம் படிவுகள் (Calcium Deposits)இருந்தாலும் வால்வினை சீரமைக்க இயலுவதில்லை. அந்நிலையிலும் வால்வு மாற்றம் (Valve Replacement)தேவைப்படுகிறது.

     வால்வு மாற்றத்தின் (Valve Replacement)விளைவாக ஏற்படும் உயர் அழுத்தங்கள்(Pressure Rise) 3 சதவிகிதம் முதல் 8 சதவிகிதம் வரை ஏற்படலாம் என்று கண்டறியப்பட்டுள்ளது.

     வால்வு மாற்றத்தில் பயன்படுத்தப்படும் செயற்கை வால்வின் ()செயல்பாடுகள் இன்னும் உறுதிபட கண்டறியப்படவில்லை. அவற்றுடன் செயற்கை வால்வு பொருத்தப்படும்போது பயன்படுத்தப்படும் மருந்துகளின் (Drugs)பக்க விளைவுகளும்(Side Efffects) கனிசமாக இருந்திருக்கின்றன.

     எனவே, ஈரிதழ் வால்வு சுருக்கத்திற்கு(Mitral Valve Stenosis) வால்வு மாற்றம் செய்யவேண்டிய நோயாளிகள்(Patients)  வால்வு மாற்றத்தின் பலனையும் (Advantages) பாதகங்களையும் (Disadvantages) எதிர் கொள்ள மருத்துவர்களும் நோயாளிகளும் தயாராக இருந்திடல் வேண்டும்.

பேராசிரியர் மரு.சி.கணேசன் எம்.டி.

13. வலப்பக்க மகாதமனி Right Sided Aorta.

இதயத்தின் இடது பெருவறையிலிருந்து (Left ventricle) மகாதமனி(Aorta) இரத்தத்தை உடலின் பல பகுதிகளுக்கும் எடுத்துச் செல்கிறது. மகாதமனி இதயத்திலிருந்து தொடங்கி மேல் நோக்கி பாய்ந்து (Acsending) இடது பக்கம் வளைந்து (Left Turn) கீழிறங்கி (Descent)பல கிளைகளாகப்பிரித்திடும். இது வழக்கமான அமைவு.

இதற்குப் பதிலாக மகாதமனி இடது பக்க வளைவிற்குப்(Left SIDE Turn) பதில் வலப்பக்கமாக திரும்பி (Right Turn) வளைந்து கீழ்நோக்கி பரவும்.

இடப்பக்கம் திரும்பும் போது மகாதமனி வழக்கமாக குரல்வளைக்கும் (Larynx)விழுங்கு குழலுக்கும்(Esophagus) முன் பகுதியில் (Front Position)அமைந்திருக்கும்.

        பொதுவாக மகாதமனி   வலது பக்கம் வளைந்தாலும்  (இடது பக்கம் போல்)குரல் வளைக்கும் விழுங்கு குழலுக்கும் முன்பகுதியில்(Front Position) அமைந்திடும்.

ஆனால் சில வேளைகளில் மகாதமனி   குரல் வளைக்கும் விழுங்கும் குழலுக்கும் பின்பகுதியில் (Back Side)அமையக்கூடும்.

அல்லது வழக்கமாக அமைந்த மகாதமனி வலப்பக்கம் வளைந்து குரல் வளைக்கும் விழுங்கு குழலுக்கும் முன் பகுதியில் (Front Position)பயணித்து பிறகு குரல் வளைக்கும் விழுங்கு குழலுக்கும் பின் பகுதியில்(Back Side) பயணித்து வழக்கம்போல இடது பக்கம் வளைந்து கீழ்நோக்கி இறங்கிடும்.

       இன்னும் சில அறிதான வேளைகளில் வலது பக்கம் திரும்பிடும் மகாதமனி    குரல் வளைக்கும் விழுங்கு குழலுக்கும் இடையே (In Between)புகுந்து  பயணிக்கும்.

இதனால் மகாதமனி விரிவடைந்திடும் போது (Dilatation) குரல் வளையிலும் விழுங்கு குழலிளும் அழுத்த விளைவுகளை (Pressure Symptoms)ஏற்படுத்திடும்.

வலது பக்கத் தமனி  குறைபாடு மட்டும் தனித்திருக்கும்போது (Isolated)எவ்வித விளைவுகளையும் தருவதில்லை. ஆனால் வேறு பிறப்புவழி நோய்களுடன்(Congenital Diseases) வலப்பக்க தமனி அமைந்திட்டால் (Right Sided Aorta)சிகிச்சையின் தன்மையை (Mode Of Treatment) அவை வெகுவாக மாற்றக்கூடும். பெருஞ்சுவர் குறை (Ventricular Septal Defect)இருவறை மகாதமனி (Over Riding Of Aorta)சுவாச தமனி வால்வு சுருக்கம் (Pulmonary Valve Stenosis)வலது பெருவறை உறுப்பெருக்கம்(Right Ventricular Hypertrophy) போன்ற நான்கு குறைபாடுகள் இணைந்த இதய பிறவி நோய் டெட்ராலஜி ஆப் பேலட்ஸ் (Tetralogy Of Fallots) என்று அழைக்கப்படும்.

              இந்த பிறவி நோய் உள்ளவர்களில் 2 முதல் 25 சதவிகிதம் பேருக்கு  வலப்பக்க மகாதமனி அமைந்திருக்கும் என்பது ஆய்வுகளின் கண்டுபிடிப்பு.

பேராசிரியர் மரு.சி.கணேசன் எம்.டி.

14.மருத்துவப் பிதா மகன் -

ஹிப்போகிரேட்ஸ்(Hippocrates)

மனிதன் இயற்கையினையும் (Nature), இயற்கையின் இயக்கங்களையும் (Dynamicity Of Nature), உள்ளபடி புரிந்து கொள்ளுதலில்தான் (Understanding) அவனது வெற்றி(Success) அமைந்திருக்கிறது.மனித சமூகத்திற்கு மிக முக்கிய அறிவியல் துறையான மருத்துவம் (Medicine) ஒரு காலத்தில் தவறான நம்பிக்கைகளால் (False Believes) பீடிக்கப்பட்டிருந்தது.

அறிவுக்கும் (Sense), அறிவியலுக்கும் (Science) ஒவ்வாத மூட நம்பிக்கைகளைச் சார்ந்தே சிகிச்சை செய்யப்பட்டது என்பதை இப்போது நினைத்தாலும் பயமும், வெறுப்பும், பரிகாசமும் ஏற்படுகிறது.(உ.ம். பேயினை விரட்ட நோயாளியை தீயிட்டு கொளுத்துதல்).

மருத்துவத்தை அறிவியலாகவும் (Science), அறிவியலைக் கலையாகவும் (Arts) நடத்திடும் நடைமுறையினைக் கொண்டு வந்தவர் ஹிப்போகிரேட்ஸ் என்னும் மருந்தறிஞர் ஆவார்.

கிரேக்க நாட்டில் (Greeks) (கி.பி.460ஆம் ஆண்டு முதல் 370ஆம் ஆண்டு வரை) வாழ்ந்த இந்த அறிஞரின் ஆய்வுகளும் (Research) கோட்பாடுகளும் (Hypothesis) ஆய்வு முடிவுகளும் (Inferences) இன்றுவரையிலும் மருத்துவ உலகில் நிலைத்துக் கொண்டிருக்கிறது.

மருத்துவத்தை மாயாவாதிகளிடமும் (Magicians), மந்திரவாதிகளிடமும் (Witchcrafts) இருந்து பிரித்து, மனிதர்களுக்கு ஏற்படும் நோய்க்குறிகளை(Symptoms) ஆராய்ந்து நோய்களின் காரணங்களை(Cause Of Diseases) ஆராய்ந்து சிகிச்சைகளை செய்து சிகிச்சையின் விளைவுகளை பதிவு செய்திட்டார்.மருத்துவ அறிவியலை ஆராய்ந்து, ஆராய்ச்சி முடிவுகளைப் பதிவு செய்திடும் (Recording) முறையினை இவர்தான் முதன் முதலாகத் துவக்கினார் என்றுதான் சொல்ல வேண்டும்.

தற்போது நாம் பயன்படுத்திடும் நோயாளிகளின் மருத்தவத் தகவல்களை ஆவனப்படுத்திடும் வகையிலான Case Sheets Writing  மற்றும் அறிக்ககைள் (Reporting)  போன்ற முறைகளை இவர்தான் தொடங்கியிருந்திட வேன்டும்.

பிறந்த இடத்தில் வாழ்ந்து  வாழ்ந்த இடத்தில் மடிந்து முடிந்து போகாமல் தான் பிறந்த கிரேக்க நாடு முழுவதும் பயணம் சென்று பல இடங்களில் பல மாதங்கள் அவ்விடத்தில் தங்கி மாணவர்களைச் சோர்த்து மருத்துவம் பயிலும் மையங்களை ( ?மருத்துவக் கல்லூரிகளை) துவக்கினார்.

இந்த இவரது முயற்சியும் செய்முறையும் தான் மருத்துவக்கல்லூரிகள் என்ற வடிவினைப்பெற்றிருக்கிறது என்றும் தோன்றுகிறது.

பயிலுவதும் (Learning), பயிற்றுவிப்பதும்(Teaching) ஆன அறிவியல் வளர்ச்சியின் அடிப்படை இயக்கத்தை அவர்தான் துவக்கி வைத்திட்டார்.

வலிப்பு நோய்களைப் (Epilepsy ) பற்றியும் பிரசவ காலத்தில் ஏற்படும் ஜென்னி நோய்ப் (Tetanus) பற்றியும் ஹிப்போகிரேட்ஸ் செய்திட்ட ஆய்வு கருத்துக்கள் (Thesis) இன்றும் மருத்துவ உலகில் பின்பற்றப்படுகிறது என்பது நமக்கு மகிழ்வான வியப்பாகும். நோய்ப்பட்ட பிறகு நர்சிங் (Nursing) எனப்படும் சேவையின் முக்கியத்துவத்தையும், நோய்ப்பட்டபோது நோயாளியின் உணவு முறைகளில் (Diet) மாற்றத்தின் அவசியத்தையும் அவர் வலுவாக அறிவுறுத்தினார்.அதுவரை மருத்துவ உலகம் கண்ட மற்ற அறிவியல் அறிஞர்போல் அல்லாது நமது ஹிப்போகிரேட்ஸ் அவர்கள் மருத்துவ அறிவியல் அறிஞர்களும், நிபுணர்களும் மனித குலத்திற்கு எப்பொழுதும் கடமைப் பட்டவர்களாக இருந்திட வேண்டும் என வலியுறுத்தினார்.

மருத்துவ உலகினர் மனித குலத்திற்கு கடமை செய்திடும் நெறிகளையும்(Principles) மனவலிமையையும் (Willingness)பெற்றிடும் வகையிலான ஒரு மருத்துவ உறுதி மொழி(Oath) இன்று வரையிலும் பின்பற்றப்படுகிறது.

இந்த உறுதி மொழியினை வடித்தவர் மருத்துவ அறிவியல் தலைமகன் / பிதாமகன் ஹிப்போகிரேட்ஸ் ஆவார்.

இன்றைய எந்த வளர்ந்த அறிவியல் அறிஞரும் (Scientists), எந்த மருத்துவ ஆய்வுகளும் (Medical Researchrs), எந்த மருத்துவ முன்னேற்றங்களும் (Medical Advancements), ஹிப்போகிரேட்ஸின் அறிவு பாதையில் சற்று தூரம் பயணித்துதான் ஆகவேண்டும் என்பதுதான் உண்மையிலும் உண்மை.

பேராசிரியர் மரு.சி.கணேசன் எம்.டி.

அறிவிப்பு

கட்டுரைகளை SENTHAMIL FONT இல் தட்டச்சு செய்து தழிழின்  

ஏதேனும்  UNICODE FONT இல் தட்டச்சு செய்து  கீழ்கண்ட மின் அஞ்சலில் அனுப்பிடலாம்.

அல்லது கடிதம் மூலம் அனுப்பிடலாம்.

மின் அஞ்சல் முகவரி kpceegan@gmail.com.

அஞ்சல் முகவரி-

மெடிசன் டுடே

113 நாடிமுத்து நகர் தபா.

பட்டுக்கோட்டை தாலு

தஞ்சாவூர் மாவ.

தமிழ்நாடு மாநி.

தென்னிந்தியா

அ.கு.614 602.

இந்த இதழில் விளம்பரங்கள் செய்திட

PH   99652 74440

email kpceegan@gmail.com.

post- மெடிசன் டுடே

113 நாடிமுத்து நகர் தபா.

பட்டுக்கோட்டை தாலு

தஞ்சாவூர் மாவ.

தமிழ்நாடு மாநி.

தென்னிந்தியா

அ.கு.614 602.